Jamiyat

Qaysi bemor yoʻlovchilar xavfsizlik kamarini taqmasligi mumkin

CC0 / pixabay / Mujchina za rulem
Mujchina za rulem - Sputnik Oʻzbekiston, 1920, 26.04.2022
Obuna boʻlish
Yandex newsTelegram
Old oʻrindiqdagi yoʻlovchilarni xavfsizlik kamarini taqishdan ozod qiladigan kasalliklar haqida maʼlumot berildi.
TOSHKENT, 26 apr — Sputnik. Yangi tahrirdagi Yoʻl harakati qoidalariga muvofiq, 1 maydan old oʻrindiqdagi yoʻlovchilar xavfsizlik kamarini taqishi shart boʻladi.
Biroq ayrim toifadagi shaxslarga xavfsizlik kamarini taqmaslikka ruxsat etiladi, salomatligi kamar taqish imkonini bermaydigan bemorlar shular jumlasidan. Bunda tibbiy maʼlumotnoma mavjud boʻlishi kerak.
Yoʻl harakati xavfsizligi xizmati qaysi kasallik bilan kasallangan bemorlar xavfsizlik kamarini taqmasligi mumkinligi haqida maʼlumot berdi. Kasalliklar roʻyxatini Sogʻliqni saqlash vazirligi tasdiqlagan.
Kamar taqishdan ozod qiluvchi kasalliklar:
oʻmrov va toʻsh suyaklarining sinishlari
yelka kamari sinishi
oʻpkaning surunkali obstruktiv kasalliklari (IV bosqich)
bronxial astma (IV bosqich)
oʻpkaning interstitsial zararlanishi
oʻpkaning bir qismi yoki butun qismini (chap yoki oʻng) olib tashlangan boʻlsa
surunkali yurak yetishmovchiligining III bosqichi va dekompensatsiya bosqichi
Eslatib oʻtamiz, avvalroq 1 maydan tajribasi kam haydovchilar avtomobilni maxsus belgi bilan haydashlari kerakligi xabar qilingan edi.
Yangiliklar lentasi
0