Rossiya

“Gazprom” Bolgariya va Polshaga gaz yetkazib berishni toʻliq toʻxtatdi

© Sputnik / Yevgeniy Biyatov / Fotobankka oʻtishPredpriyatiye OOO RN-Purneftegaz v Yamalo-Nenetskom avtonomnom okruge
Predpriyatiye OOO RN-Purneftegaz v Yamalo-Nenetskom avtonomnom okruge - Sputnik Oʻzbekiston, 1920, 27.04.2022
Obuna boʻlish
Yandex newsTelegram
“Bulgargaz” va PGNiG kompaniyalariga toʻlovni belgilangan muddatda rublda amalga oshirmaganlari sabab gaz yetkazib berish toʻliq toʻxtatilgan.
TOSHKENT, 27 apr — Sputnik. "Gazprom” kompaniyasi Bolgariyaning “Bulgargaz” va Polshaning PGNiG kompaniyalariga toʻlovni belgilangan muddatda rublda amalga oshirmaganlari sabab gaz yetkazib berishni toʻliq toʻxtatdi. Bu haqda Rossiya xoldingi matbuot xizmati xabar bermoqda.
“Gazprom eksport" "Bulgargaz" va PGNiG᾽ni 27 apreldan boshlab va farmonda belgilangan tartibga muvofiq toʻlov amalga oshirilmagunicha gaz yetkazib berish vaqtincha toʻxtatilishi haqida xabardor qildi”, - deyilgan xabarda.
Taʼkidlanishicha, “Gazprom” aprel oyida bu kompaniyalardan 26 aprel holatiga koʻra gaz yetkazib berganlik uchun toʻlovni olmagan.
Eslatib oʻtamiz, Rossiya prezidenti Vladimir Putin mart oxirida doʻst boʻlmagan barcha davlatlarga tabiiy gazni faqat rublda sotishni nazarda tutuvchi farmonni imzoladi.
Ushbu tartib 1 apreldan boshlab kuchga kirdi va toʻlov amalga oshirilmagan taqdirda gaz yetkazib berilmaydi va bu sherik mamlakatlar tomonidan gaz shartnomalari boʻyicha majburiyatlarni bajarmaslik deb hisoblanadi.
“Gazprombank” xorijiy xaridorlar bilan hisob kitob qilish uchun maxsus valyuta va rubl hisob raqamlari ochgan. Bunda mijoz shartnomada koʻrsatilgan valyutada hisob raqamiga toʻlovni amalga oshiradi, bank esa uni Moskva birjasida valyutani sotib, xaridor hisob raqamiga rublda mablagʻ kirim qiladi. Shu tarzda xaridor gaz yetkazib beruvchi bilan hisob-kitobni amalga oshiradi.
Yangiliklar lentasi
0