Dunyoda

Qozogʻistonda Nazarboyevning imtiyozlari toʻgʻrisidagi qonun bekor qilinishi mumkin

Nursultan Nazarbayev - Sputnik Oʻzbekiston, 1920, 27.04.2022
Obuna boʻlish
Yandex newsTelegram
Birinchi prezident va uning eng yaqin oila aʼzolari jinoiy javobgarlikka tortilmaydi, degan norma chiqarib tashlanishi mumkin.
TOSHKENT, 27 apr — Sputnik. Qozogʻistonda sobiq davlat rahbari Nursulton Nazarboyevga qator imtiyoz va vakolatlar beruvchi Qozogʻistonning birinchi prezidenti – Elboshi (millat yetakchisi) toʻgʻrisidagi qonunni bekor qilish rejalashtirilmoqda. Bu haqda parlament majlisi (quyi palatasi) spikeri Yerlan Koshanov maʼlum qildi.
“Oʻzgartirishlar (konstitutsiyaga - tahr.) Elboshi maqomini istisno qiladi. Nazarboyevning davlat asoschisi sifatidagi roli konstitutsiyada qoladi. Ushbu norma qabul qilinganidan keyin birinchi prezident toʻgʻrisidagi konstitutsiyaviy qonun ham oʻz kuchini yoʻqotadi”, - deydi Koshanov parlament yigʻilishida jurnalistlarga.
Majlis spikeri konstitutsiyaga kiritilgan oʻzgartirishlar endi Konstitutsiyaviy kengashda ekanligini tushuntirdi.
“Konstitutsiyada sobiq prezidentlar toʻgʻrisida norma bor, bu qoida saqlanib qolgan va mamlakatning birinchi prezidentiga nisbatan qoʻllaniladi”, -deydi u.
Shuningdek, palata spikeri referendum oʻtkazilishi yoki konstitutsiyaga oʻzgartirishlar parlament tomonidan qabul qilinishi borasida hozircha aniq qaror yoʻqligini taʼkidladi.
Yerlan Koshanovning aniqlik kiritishicha, Nursulton Nazarboyev sobiq prezidentlar toʻgʻrisidagi qonun doirasida davlat tomonidan qoʻllab-quvvatlanadi, pensiya oladi, shaʼni va qadr-qimmatini himoya qiladi.
“Birinchi prezident va uning eng yaqin oila aʼzolari jinoiy javobgarlikka tortilmaydi, degan norma chiqarib tashlanadi”, - dedi Koshanov.
Avvalroq, Qozogʻiston birinchi prezidenti Nursulton Nazarboyevning yangi - mustaqil Qozogʻiston asoschisi maqomi berilishi va bu Konstitutsiyada mustahkamlab qoʻyilishi xabar qilingan edi.
Yangiliklar lentasi
0