Xitoyda H3N8 parranda grippi odamga yuqishining birinchi holati qayd etildi

© REUTERS / Aly SongRabochiy v zashitnom kostume na ulitse v Shanxae
Rabochiy v zashitnom kostume na ulitse v Shanxae - Sputnik O‘zbekiston, 1920, 27.04.2022
Obuna bo‘lish
Infeksiya markaziy Xenan provinsiyasida yashovchi to‘rt yoshli bolada aniqlangan.
TOShKENT, 27 apr — Sputnik. Xitoy Xalq Respublikasining Xenan provinsiyasida odamlarda H3N8 parranda grippi bilan kasallangan birinchi holat qayd etildi. Bu haqda “RIA Novosti” mamlakat Sog‘liqni saqlash davlat qo‘mitasiga tayanib, ma’lum qildi.
Qayd etilishicha, infeksiya markaziy Xenan provinsiyasidagi Jumadan shahrida yashovchi to‘rt yoshli bolada aniqlangan. Bola yashaydigan uyda tovuqlar boqilgan, bundan tashqari, uning uyidan unchalik uzoq bo‘lmagan joyda yovvoyi o‘rdaklar ham yashaydi.
Infeksiya 5-aprel kuni parranda bilan aloqa qilish natijasida sodir bo‘lgan. Bolaning ahvoli yomonlashgani sababli 10-aprel kuni shifoxonaga yotqizilgan. 24-aprel kuni qilingan tekshiruvdan so‘ng bolada H3N8 infeksiyasi borligi aniqlangan. Ta’kidlanishicha, bolaning barcha qarindoshlari sog‘lom.
Mutaxassislarning fikricha, H3N8 grippi shtammi qushlar, itlar va otlarda uchraydi. Hozircha virusning ushbu shtammining odamlarga yuqishi holatlari rasman qayd etilmagan. H3N8 infeksiyasi 1889-1890 yillardagi gripp pandemiyasining sababi bo‘lishi mumkin, bu 1 millionga yaqin odamning hayotiga zomin bo‘lgan.
XXR Davlat qo‘mitasi ma’lumotlariga ko‘ra, bu holat qushdan odamga tasodifiy turlararo yuqishini anglatadi va virusning keng miqyosda tarqalish xavfi past.
Yangiliklar lentasi
0