Dunyoda

Patrushev dunyoda yuqumli kasallik avj olishini AQSH biolaboratoriyalari bilan bogʻladi

© Sputnik / Ministerstvo oboronы RFRabota polevoy biolaboratorii
Rabota polevoy biolaboratorii  - Sputnik Oʻzbekiston, 1920, 28.04.2022
Obuna boʻlish
Yandex newsTelegram
Rossiya Xavfsizlik kengashi kotibi Ukraina hududidagi bu noqonuniy faoliyatning tekshiruvlari AQSH tadqiqotlarining asl basharasini koʻrsatishini maʼlum qildi.
TOSHKENT, 28 apr — Sputnik. Dunyoning ayrim mamlakatlarida kuzatilayotgan yuqumli kasalliklar avj olishi AQSH biolaboratoriyalari faoliyati bilan bogʻliq boʻlishi mumkin. Bu haqda Rossiya Xavfsizlik kengashi kotibi Nikolay Patrushev maʼlum qildi.
Uning soʻzlariga koʻra, SSSR parchalangandan keyin amerikaliklar sobiq ittifoq respublikalari hududida biolaboratoriyalari tarmoqlarini ochishgan. Patrushev Ukraina, Oʻzbekiston, Qozogʻiston, Gruziya, Armaniston va Ozarbayjonni misol tariqasida keltirdi.
Patrushev u yerda AQSH va uning yugurdaklari “ilmiy tadqiqotlarlarni niqob qilib olib, harbiy-biologik faoliyatni olib borishgan” boʻlishlari mumkinligini istisno qilmadi.
“Qator mamlakatlarda kuzatilayotgan yuqumli kasalliklar avj olishi oʻsha biolaboratoriyalar faoliyati bilan bevosita bogʻliq boʻlishi mumkin”, - dedi Rossiya Xavfsizlik kengashi kotibi.
U Ukraina hududidagi bu noqonuniy faoliyatning tekshiruvlari AQSH va uning ittifoqchilarining shunga oʻxshash tadqiqotlarining asl basharasini koʻrsatishini qoʻshimcha qildi.
Pentagon Ukrainadagi harbiy biologik dasturi uchun 200 mln dollardan ortiq mablagʻ sarflagan. Xususan, vabo va kuydirgi patogenlari bilan shugʻullanadigan biologik laboratoriyalar ishiga yuz million dollardan ortiq mablagʻ yoʻnaltirilgan. Ular butun mamlakat hududida 30 ta biologik laboratoriyalar qurgan.
Rossiya maxsus operatsiyasi boshlangandan soʻng, biologik qurollar dasturi bilan bogʻliq barcha maʼlumotlar, xavfli virus patogenlari yoʻq qilindi yoki Ukrainadan olib ketildi. Shunday boʻlsada Rossiya Mudofaa vazirligi ushbu laboratoriyalar borasida koʻplab maʼlumotlarni qoʻlga kiritgan.

Mavzuga oid:

Ukrainadagi biologik laboratoriyalarning gʻarbiy kuratorlari maʼlum boʻldi
Putin AQShni Ukrainadagi bioishlanmalar izini yoʻq qilishga urinishda aybladi
Nuland Ukrainada biologik tadqiqotlar obʼyektlari borligini tan oldi
Xitoy AQShdan Ukrainadagi biolaboratoriyalar haqidagi maʼlumotlarni ochiqlashni talab qildi
Yangiliklar lentasi
0