A’zam Abdullayev “O‘zkomnazorat”ga yangi rahbar bo‘ldi

© Foto: "Uzkomnazorat"A’zam Abdullayev
A’zam Abdullayev - Sputnik O‘zbekiston, 1920, 28.04.2022
Obuna bo‘lish
“O‘zkomnazorat”ning sobiq rahbari G‘olibsher Ziyayev mamlakatda Telegram, YouTube, "Odnoklassniki" kabi yirik ijtimoiy tarmoqlar bloklanishi ortidan ishdan olingan edi.
TOShKENT, 27 apr — Sputnik. A’zam Abdullayev Axborotlashtirish va telekommunikatsiya sohasida nazorat bo‘yicha davlat inspeksiyasining (“O‘zkomnazorat”) boshlig‘i vazifasini bajaruvchi etib tayinlandi. Bu haqda Hukumatning tegishi qarori qabul qilindi, deb xabar qildi Adliya vazirligi.
A’zam Abdullayev 1983-yilda Toshkent shahrida tug‘ilgan. Ma’lumoti oliy. 2005-yilda Toshkent Davlat texnika universiteti (bakalavriat), 2007-yilda Toshkent Axborot texnologiyalari universiteti (magistratura)ni bitirgan.
Tayinlovga qadar "Toshshahartransxizmat" AJ boshqaruv raisining axborot texnologiyalari va mahalliylashtirish bo‘yicha birinchi o‘rinbosari bo‘lib ishlab kelayotgandi.
Eslatib o‘tamiz, “O‘zkomnazorat”ning sobiq rahbari G‘olibsher Ziyayev o‘tgan yil noyabrida noto‘g‘ri va kelishilmagan xatti-harakatlari uchun egallab turgan vazifasidan chetlatilgan edi. O‘shanda mamlakatda Telegram, YouTube, "Odnoklassniki" kabi yirik ijtimoiy tarmoqlar faoliyati cheklab qo‘yilgan edi.
Yangiliklar lentasi
0