Jamiyat

Boʻyrak transplantatsiyasi barcha hududlarda yoʻlga qoʻyiladi

© Sputnik / Kirill Shipitsin / Fotobankka oʻtishVrachi vo vremya operatsii
Vrachi vo vremya operatsii - Sputnik Oʻzbekiston, 1920, 28.04.2022
Obuna boʻlish
Yandex newsTelegram
Transplantatsiya haqidagi yangi qonun kasallanish va inson aʼzolaridagi qaytarib boʻlmaydigan jarayonlar tufayli oʻlimga olib keluvchi holatlarni qisqartirishga xizmat qiladi.
TOSHKENT, 28 apr — Sputnik. Oʻzbekistonda inson aʼzolari va toʻqimalari transplantatsiyasi qonun bilan mustahkamlanadi. Bu haqda Oliy Majlis Senatining navbatdagi yalpi yigʻilishida maʼlum qilindi.
Bugungi majlisda davlat rahbari tomonidan bildirilgan takliflar asosida takomillashtirilgan “Inson aʼzolari va toʻqimalari toʻgʻrisida”gi qonun muhokama qilindi.
Taʼkidlanishicha, qonun kasallanish va inson aʼzolaridagi qaytarib boʻlmaydigan jarayonlar tufayli oʻlimga olib keluvchi holatlarni qisqartirishga xizmat qiladi.
“Transplantatsiya jarayonlarini sifatli amalga oshirish uchun zarur boʻlgan qonunosti hujjatlarini ishlab chiqiladi. Transplantatsiya xizmati aholiga yaqinlashtirilib, hududlarda bu boradagi amaliyotlarni sifatli va samarali yoʻlga qoʻyish kerak”, - deydi Senat raisi Tanzila Norboyeva.
Uning soʻzlariga koʻra, barcha hududlarda buyrak transplantatsiyasi amaliyotini yoʻlga qoʻyish zarur. Buning uchun tegishli tibbiyot muassasalarining moddiy-texnika va kadrlar salohiyatini oshirish kabi yoʻnalishlarda qator vazifalar aniq muddatlar bilan belgilangan.
“Fan, taʼlim va sogʻliqni saqlash masalalari qoʻmitasidan mazkur “Yoʻl xaritasi”dagi vazifalarni soʻzsiz ijrosini taʼminlash borasida doimiy ish olib borish talab etiladi. Har oyda “Yoʻl xaritasi” ijrosi boʻyicha eshituvlar tashkil etiladi”, deya qoʻshimcha qildi Senat raisi.
Maʼlumot uchun, Oʻzbekistonda buyrak koʻchirib oʻtkazish, jigar va oʻzak hujayra amaliyotlari kengayib bormoqda. Soʻnggi yillarda 700 dan ortiq ana shunday operatsiyalar muvaffaqiyatli bajarildi. Xususan, bugungacha transplantatsiya amaliyotlari Samarqand, Namangan, Xorazm, Surxondaryo va Andijon viloyatlarida oʻtkazilgan.
Aytish joizki, bir necha yil oldin ushbu kabi operatsiyalarni amalga oshirish uchun Oʻzbkiston fuqarolari chet el davlatlariga borishiga toʻgʻri kelar edi. 2017 yilda Oʻzbekiston prezidenti Shavkat Mirziyoyev Oʻzbekiston tibbiyot sohasini keskin tanqid qilgan va murakkab operatsiyalar uchun fuqarolarni chet elga borishga majburlaydigan sabablarni aniqlash, imkon qadar malakali mutaxassislarni Oʻzbekistonga olib kelish, chet elga ishlaga ketgan oʻzbekistonlik shifokorlarni imkon qadar vataniga qaytarish kabi vazifalarni qoʻygan edi.
Undan tashqari, soʻnggi yillarda Oʻzbekiston va Rossiya orasida tibbiy taʼlim va tajriba almashish sohasida keng qamrovli hamkorlik yoʻlga qoʻyilgan.
Yangiliklar lentasi
0