Iqtisod

Oʻzbekiston shamol elektr stantsiyalarini qurishda XMKdan maslahat oladi

© Sputnik / Aleksey Pavlishak / Fotobankka oʻtishVetroelektrostantsiya
Vetroelektrostantsiya - Sputnik Oʻzbekiston, 1920, 28.04.2022
Obuna boʻlish
Yandex newsTelegram
Oʻzbekiston 2026 yilgacha 5 gigavatt quvvatga ega quyosh va 3 gigavatt quvvatga ega shamol elektr energiyasini ishlab chiqaradi.
TOSHKENT, 27 apr — Sputnik. Xalqaro moliya korporatsiyasi (XMK) Oʻzbekistonda 500 megavatt boʻlgan shamol elektr stantsiyalari qurilishida maslahat xizmatini koʻrsatadi. Tegishli kelishuv Iqtisodiy taraqqiyot va kambagʻallikni qisqartirish vazirligi va XMK oʻrtasida imzolandi.
Vazirlik xabariga koʻra, mazkur kelishuv mamlakatning yashil energiyaga oʻtishi va elektr energiyasiga boʻlgan talabni qondirishga yordam beradi.
Bu kelishuvga asosan XMK Oʻzbekiston boʻylab quriladigan shamol elektr stantsiyalarini qurish va ulardan foydalanish uchun xususiy sektor tajribasi va kapitalini safarbar qilish maqsadida, davlat-xususiy sheriklik (DXSH) loyihasini shakllantirishda maslahat xizmatini koʻrsatadi.
Loyihada mamlakatning 2026 yilga qadar elektr energiyasini ishlab chiqarishda qayta tiklanadigan manbalar ulushini 25 foizgacha oshirish nazarda tutilgan.
“Oʻzbekiston 2026 yilgacha 5 gigavatt quvvatga ega quyosh va 3 gigavatt quvvatga ega shamol elektr energiyasini ishlab chiqarishni oʻz oldiga maqsad qilib qoʻygan”, - deyiladi xabarda.
Maʼlumot uchun, shamol elektr energiyasi ishlab chiqarishda qayta tiklanadigan arzon manbalardan biri boʻlib, hozirda dunyo boʻylab 743 gigavattdan ortiq quvvatga ega stantsiyalar mavjud.
Yangiliklar lentasi
0