Madaniyat

Samarqandlik hattot Qurʼon kitobini koʻchirib yozdi

© UMUV Samarkande kalligraf perepisal Koran
V Samarkande kalligraf perepisal Koran - Sputnik Oʻzbekiston, 1920, 28.04.2022
Obuna boʻlish
Yandex newsTelegram
Qurʼoni karim 3 yil mobaynida yozildi va umrboqiy, har ikki tomoniga ham yozish mumkin boʻlgan va suvda ivimaydigan Samarqand qogʻozidan foydalanildi.
TOSHKENT, 28 apr — Sputnik. Samarqandlik hattot Abdujalil Ergashev 60x80 hajmdagi katta Qurʼon kitobini yozdi. Bu haqda Oʻzbekiston musulmonlari idorasi Samarqand viloyati vakilligi xabar bermoqda.
“Ushbu ulugʻ kalomlar bitilgan kitobni uch yil mobaynida 310 varaqqa (2 tomonlama), 620 sahifada arab kufi xatida yozishga muvaffaq boʻldim”, - deydi hattot.
Hatotning aytishicha, Samarqand qogʻozi oʻzining umrboqiyligi, har ikki tomoniga ham yozish mumkin boʻlganligi hamda suvda ivimasligi bilan shuhrat qozongan. Shuning uchun kitob varaqlariga shu qogʻozdan foydalanilgan.
Maʼlumot uchun, Samarqand qogʻozi “Konigil-Meros” qogʻoz ishlab chiqarish hunarmandchilik markazida ishlab chiqiladi. Qogʻozlar aholi orasida “balx tuti” deb ataluvchi tut navi poʻstlogʻidan tayyorlanadi. Bugungi kunda samarqand qogʻozidan nafaqat Oʻzbekiston, balki Yaponiyadagi qadimiy yozma bitiklar va nodir asarlarni qayta taʼmirlashda keng foydalanilmoqda.
Qurʼoni karimning bizgacha yetib kelgan 10 ta qadimiy qoʻlyozmasi mavjud. Ular “Birmingem Qurʼoni qoʻlyozmasi”, “Sana qoʻlyozmasi”, “Toʻpqopi qoʻlyozmasi”, “Qurʼonning Samarqand qoʻlyozmasi”, “Sankt-Peterburgdagi Qurʼon”, “Havorang Qurʼon”, “Ibn al-Bavaba”, “Analus qoʻlyozmasi”, “Magʻrib qoʻlyozmasi”, “Sevilya Qurʼoni” deb ataladi.
Qurʼonning yirik va eng qadimiy nusxalaridan biri – “Usmon Musfahi” ham Oʻzbekistonda, “Moʻyi Muborak” madrasasida saqlanadi.
Yangiliklar lentasi
0