Jamiyat

Texnikum bitiruvchilari uchun OTMdagi taʼlim yoʻnalishlari roʻyxati tasdiqlandi

© SputnikAbituriyent podayet dokumentы v NIYAU "MIFI"
Abituriyent podayet dokumentы v NIYAU MIFI - Sputnik Oʻzbekiston, 1920, 28.04.2022
Obuna boʻlish
Yandex newsTelegram
Texnikumni muvaffaqiyatli tamomlagan bitiruvchilar OTMga imtihonlarsiz kirishi mumkin.
TOSHKENT, 28 apr — Sputnik. Texnikum bitiruvchilari OTMlarning 2-bosqichidan oʻqishni davom ettirishi mumkin boʻlgan oʻz sohasiga mos bakalavriat taʼlim yoʻnalishlari roʻyxati tasdiqlandi. Bu haqda Oliy va oʻrta maxsus taʼlim vazirligi xabar bermoqda.
Ushbu roʻyxat orqali texnikum bitiruvchilari oliy taʼlim muassasalarining qaysi bakalavriat taʼlim yoʻnalishlarida oʻqishni davom ettirishlarini bilish mumkin.
Maʼlumot uchun, 2022/2023 oʻquv yili qabulidan boshlab texnikumlarni muvaffaqiyatli tamomlagan bitiruvchilar kirish imtihonlarisiz yakka tartibdagi suhbat orqali OTM 2-bosqichdan oʻqishini davom ettirish huquqiga ega.
Butun oʻqish davrida oʻquv semestrlari yakuniga koʻra “5 (aʼlo)” va “4 (yaxshi)”, biroq oʻzlashtirish baholarining kamida 50 foizi (tibbiyot oliy taʼlim muassasalari uchun kamida 85 foizi) “5 (aʼlo)” boʻlgan bitiruvchilargina texnikumni muvaffaqiyatli tamomlaganlar toifasiga kiradi.
Suhbat jarayoni har yili 10 avgustdan 25 avgustgacha, OTM tomonidan belgilangan muddatda, Suhbat komissiyasi tarkibining kamida uchdan ikki qismi ishtirok etgan taqdirda oʻtkaziladi.
Ushbu tartib texnikumni tamomlagan yildan boshlab ikki yil mobaynida tatbiq etiladi.
Yangiliklar lentasi
0