Jamiyat

Maxsus tashkil qilingan prokuratura Zomin va Baxmal tabiatini muhofaza qiladi

© Foto iz arxiva Federatsii Profsoyuzov RUzSanatoriy "Zamin"
Sanatoriy Zamin - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Ixtisoslashtirilgan prokuratura ushbu tumanlarning ekologik holatini yaxshilash va ekoturizmni rivojlantirish boʻyicha muammolarni bartaraf etish ishlari bilan shugʻullanadi.
TOSHKENT, 29 apr — Sputnik. Zomin va Baxmal tumanlarida tabiatni muhofaza qilish boʻyicha ixtisoslashtirilgan prokuratura tashkil etiladi. Bu haqda Jizzax viloyati hokimligi xabar bermoqda.
Ixtisoslashtirilgan prokuratura Oʻzbekiston prezidentining 27 aprel kuni imzolangan “Jizzax viloyatida tabiatni muhofaza qilishga oid qonunchilik ijrosini taʼminlashning qoʻshimcha chora-tadbirlari toʻgʻrisida”gi qaroriga asosan tashkil qilinmoqda.
Qarorga koʻra, tabiatni muhofaza qilish boʻyicha ixtisoslashtirilgan prokuratura 8 nafar shtat birligidan iborat boʻladi. U Zomin tabiatni muhofaza qilishga oid qonunchilik ijrosi ustidan nazoratni amalga oshiradi. Shuningdek, yerlardan noqonuniy foydalanishni bartaraf etadi.
Prokuraturani tashkil etishdan asosiy maqsad tabiatni muhofaza qilish, tabiiy hududlar egallagan yerlar va tabiiy resurslardan oqilona foydalanish, hududning ekologik holatini yaxshilashdan iborat.
Aytilishicha, prokuraturaga ekoturizmni rivojlantirish boʻyicha muammolarni bartaraf vazifalasi ham yuklatilmoqda.
Maʼlumot uchun, oʻtgan yili Jizzax viloyatiga 340 ming nafardan ortiq mahalliy sayyohlar tashrif buyurgan. Frantsiya, Rossiya, Germaniya, Xitoy, Turkiya va MDH mamlakatlaridan kelganlarning soni 1 ming 200 nafarga yaqin boʻlgan.
Yangiliklar lentasi
0