O‘zbekistonda fotoelektr modullarni sinovdan o‘tkazuvchi laboratoriya paydo bo‘ldi

© Sputnik / Mixail Fomichev / Mediabankka o‘tishVistavka "Smotrite, eto — NANO!"
Vistavka Smotrite, eto — NANO! - Sputnik O‘zbekiston, 1920, 29.04.2022
Obuna bo‘lish
Quyosh fotoelektr modullarini sinovdan o‘tkazishga mo‘ljallangan laboratoriya quyosh energetikasi texnologiyalarini sinash va sertifikatlash sohasidagi boshlang‘ich qadam bo‘ldi.
TOShKENT, 29 apr — Sputnik. Energetika vazirligi huzuridagi ilmiy-tadqiqot institutida Quyosh fotoelektr modullarni sinovdan o‘tkazish laboratoriyasi faoliyati yo‘lga qo‘yildi. Bu haqda Energetika vazirligi xabar bermoqda.
Labaratoriyada nafaqat O‘zbekistonga olib kelinayotgan fotoelektr modullari, balkim qo‘shni davlatlardan ham buyurtma olib ularning modullarini ham sinovdan o‘tkazish mumkin bo‘ladi.
Aytilishicha, quyosh fotoelektr modullarini sinovdan o‘tkazishga mo‘ljallangan laboratoriya quyosh energetikasi texnologiyalarini sinash va sertifikatlash sohasidagi boshlang‘ich qadam bo‘ldi.
“Sinov laboratoriyasining ishga tushishi qayta tiklanuvchi energiya manbalaridan foydalanish sohasini rivojlantirish, jahon standartlariga mos stansiyalar barpo etish va iste’molchilarni uzluksiz hamda sifatli elektr energiyasi bilan ta’minlashga xizmat qiladi”, deyiladi xabarda.
Ma’lumot uchun, laboratoriyada o‘rnatilgan quyosh fotoelektrik modullarini sinovdan o‘tkazish stendlari Innovatsion rivojlanish vazirligining ilmiy, innovatsion va tijoratlashtirishga tayyorlash loyihalari asosida yaratildi. Institut ilmiy xodimlari Yaponiya, Germaniya, Ispaniya, Xitoy, Hindiston, Rossiya davlatlarining sinov laboratoriyalarida malaka oshirdi.
Yangiliklar lentasi
0