Jamiyat

Ramazon Hayiti arafasida Usmon Qurʼoni haqida film namoyish etiladi

© RIA Novosti . Vladimir PesnyaQurʼon festivalida namoyish qilingan kitob
Qurʼon festivalida namoyish qilingan kitob - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Filmi tasvirga olish ishlari Toshkent, Buxoro, Samarqand, Qashqadaryo hamda Sankt-Peterburgda olib borildi.
TOSHKENT, 29 apr — Sputnik. “Usmon Qurʼonining qaytishi” hujjatli filmi suratga olindi. Bu haqda Oʻzbekiston Kinematografiya agentligi xabar bermoqda.
Agentlik maʼlum qilishicha, ushbu film muborak Ramazon oyi uchun munosib tuhfa boʻladi.
“Usmon Qurʼonining qaytishi” hujjatli filmida Toshkentdagi qadim Usmon mushafining hayratlarga boy tarixi soʻzlanadi. Filmni tasvirga olish ishlari Toshkent, Buxoro, Samarqand, Qashqadaryo hamda Sankt-Peterburgda olib borilgan.
Filmda ushbu nodir muqaddas qoʻlyozmaning XIX asr oxirida Rossiyaga yuborilishi, Sankt-Peterburgdagi Imperator kutubxonasida saqlanishi va keyinchalik Ufa muftiyatiga topshirilishi bilan voqealar oʻrganilgan.
Arxiv hujjatlari asosida Usmon Qurʼonining 1923 yilda Oʻzbekistonga qaytarilishi haqida hikoya qilingan. Filmda Usmon Qurʼonining 1989 yilda Oʻrta Osiyo va Qozogʻiston musulmonlari idorasiga topshirilishiga guvoh boʻlgan insonlarning hikoyalaridan ham foydalanilgan.
“Filmni Ramazon Hayiti arafasida Oʻzbekiston telekanallarida namoyish etish rejalashtirilgan”, - deyiladi xabarda.
Taʼkidlanishicha, film Oʻzbekiston Kinematografiya agentligi, Bi-Bi-Si oʻzbek xizmati, Oʻzbekiston madaniy merosini asrash, oʻrganish va targʻib qilish boʻyicha butunjaxon jamiyati, OʻzEOAVMA va Sevimli telekanali hamkorligida suratga olingan.
Maʼlumot uchun, Usmon Qurʼoni bu Qurʼoni Karimning saqlanib qolgan eng qadimgi nusxasi hisoblanadi. Ikki yil avval birinchi kitob haqida “Katta Langar qurʼoni: sirlar va haqiqatlar” nomli film suratga olingan edi.
Yangiliklar lentasi
0