Iqtisod

Rossiya brendi Oʻzbekiston poyabzallarini import qilishga qiziqmoqda

© Sputnik / Aleksandr Kondratyuk / Fotobankka oʻtishSotrudnitsы vo vremya rabotы na konveyere poshiva zimnego assortimenta obuvi
Sotrudnitsы vo vremya rabotы na konveyere poshiva zimnego assortimenta obuvi - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Oʻzbekistonga charm-poyabzal sohasidagi rossiyalik dizayner va texnologlar jalb etilishi kutilmoqda
TOSHKENT, 29 apr — Sputnik. Rossiya brendi Oʻzbekistondagi korxonalardan uchta segmentdagi charm-poyabzal mahsulotlarini xarid qiladi. Bu haqda “Oʻzcharmsanoat” uyushmasi xabar bermoqda.
“Oʻzcharmsanoat” uyushmasi rossiyalik dizayner va texnologlarni jalb etish hamda charm-poyabzal sohasida ikki tomonlama aloqalar koʻlamini yanada kengaytirish maqsadida Rossiya yengil sanoat va oʻrmon xoʻjaligi sanoati kompleksi departamenti delegatsiyasi aʼzolari bilan uchrashdi.
Tomonlar hamkorlikni mustahkamlash va mamlakatda ishlab chiqarilgan poyabzallar eksportining Rossiya bozoridagi koʻlamini kengaytirishga kelishib olishdi.
Muzokaralar davomida, ayollar liboslarini yaratib kelayotgan “SOL” brendi oʻzbek korxonalari bilan hamkorlik qilishga qiziqish bildirdi. Ushbu brend hozirda Xitoy bilan hamkorlik qilib kelmoqda.
Aytilishicha, ushbu brend Oʻzbekistondagi korxonalardan dastlab lyuks toifasidagi poyabzallarni xarid qiladi. Hozirgi bosqichda har bir oʻlchamdan 100 donadan sotib olish rejalashtirilmoqda.
Shuningdek, sport va bolalar poyabzallari xaridini ham amalga oshirish boʻyicha manfaatli takliflar koʻrib chiqildi.
Eslatib oʻtamiz, avvalroq "Oʻzcharmsanoat" Rossiyaning "Avanti" MCHJ kompaniyasi rahbariyati bilan Oʻzbekiston korxonalarida ishlab chiqarilgan mahsulotlarni Rossiyaga eksport qilish masalasini muhokama qilgan edi. Unda poyabzal ishlab chiqarish boʻyicha Oʻzbekistonda qoʻshma korxona tashkil etish imkoniyatlari koʻrib chiqilgan.
Yangiliklar lentasi
0