Jamiyat

Samarqandda Rossiya taʼlim markazi ochildi

© Yuz.uzSamarkandskiy Gosudarstvennыy universitete (SamGU)
Samarkandskiy Gosudarstvennыy universitete (SamGU) - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Shimoliy Kavkaz federal universiteti rektori ushbu markaz orqali munosabatlar yanada yaqinlashishiga ishonch bildirdi.
TOSHKENT, 29 apr — Sputnik. Oʻzbekistonda Sharof Rashidov nomidagi Samarqand davlat universiteti negizida Rossiya taʼlimi markazi ochildi. Ochilish marosimida Shimoliy Kavkaz federal universiteti (SKFU) rektori Dmitriy Bespalov ham ishtirok etdi. Bu haqda universitet matbuot xizmati xabar berdi.
“Samarqand davlat universiteti Osiyodagi eng tez rivojlanayotgan oliy taʼlim muassasalaridan biri. Men bunga oʻtgan yili muhtaram rektor Rustam Xolmurodov bilan uchrashganimda guvoh boʻlganman. SamDU bilan hamkorlik qilish biz uchun ham foydali boʻladi. Biz hamkorlikda talabalar almashinuvi va ilmiy-tadqiqotlarni yoʻlga qoʻyishni boshladik”, - deydi Dmitriy Bespalov.
Shuningdek, Shimoliy Kavkaz federal universiteti rektori ushbu markaz orqali munosabatlar yanada yaqinlashishiga ishonch bildirdi.
Tadbirni Samarqand davlat universiteti xalqaro hamkorlik boʻlimi koordinatori Muxtor Nosirov kirish soʻz bilan ochdi. SamDU oʻquv ishlari boʻyicha prorektori Ahmadjon Soliyev Rossiya oliy taʼlim muassasalari bilan yoʻlga qoʻyilgan samarali hamkorlik aloqalari haqida maʼlumot berdi. Xususan, ushbu markaz talabalar uchun Rossiyaning rivojlangan oliy taʼlim muassasalarida tahsil olish imkoniyatini yaratuvchi markaz boʻlishiga ishonch bildirdi.
Tadbirda Rossiyaning yetakchi oliy taʼlim muassasalari rektorlari, xalqaro hamkorlik boʻyicha prorektorlari ishtirok etib, Samarqand davlat universiteti bilan yoʻlga qoʻyilgan ikki tomonlama munosabatlarning yanada yaxshilanishiga umid bildirdi.
Markazning ochilishi Rossiya va Oʻzbekiston oʻrtasida diplomatik munosabatlar oʻrnatilganining 30 yilligiga toʻgʻri keldi.
Markazning vazifasi Markaziy Osiyoda rus tilini ommalashtirish boʻyicha loyihalarni amalga oshirishdan iborat boʻladi. Markaz qoʻshma ilmiy tadqiqotlarni muvofiqlashtiradi. Shuningdek, rus tili, rus adabiyoti, rus tarixi va boshqa fanlar oʻqituvchilari uchun uslubiy yordamni tashkil qiladi.
Yangiliklar lentasi
0