Dunyoda

Tokayev Qozogʻistonda umumxalq referendumi oʻtkazishni taklif qildi

© AFP 2022 / Handout / Kazakhstan Presidential press office /Prezident Kazaxstana Kasыm-Jomart Tokayev
Prezident Kazaxstana Kasыm-Jomart Tokayev - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Tokayev Qozogʻistonda umumxalq referendumi oʻtkazishni va unda davlat boshqaruviga oid ayrim muhim masalalarni koʻtarishni taklif qildi.
TOSHKENT, 29 apr - Sputnik. Qozogʻiston prezidenti Qosim-Jomart Tokayev Konstitutsiyaga mamlakat siyosiy tizimini modernizatsiya qilish va demokratlashtirishga qaratilgan oʻzgartirishlar kiritish boʻyicha umumxalq referendumi oʻtkazishni taklif qildi.
"Ushbu islohotlar taklif etilganda biz Konstitutsiyaga kiritilgan oʻzgartirishlar loyihasi parlament tomonidan koʻrib chiqiladi deb oʻylagandik. Bu amaldagi qonunchilikda belgilangan tartiblardan biridir. Biroq boʻlajak keng koʻlamli va muhim oʻzgarishlar Respublika hayoti va kelajagiga katta taʼsir koʻrsatadi. Shu bois, men Konstitutsiyaga oʻzgartirishlar kiritish boʻyicha respublika referendumini oʻtkazishni taklif qilaman”, — dedi Tokayev juma kuni Qozogʻiston Xalq Assambleyasi (KHK) sessiyasida soʻzlagan nutqida.
Maʼlumot uchun, Tokayev oʻzining oldingi chiqishlarida Qozogʻiston davlat boshqaruvchida prezident rolini kamaytirib Parlament rolini kuchaytirish kerakligi haqida aytib oʻtgandi. Xususan prezidentning ayrim vakolatlarini bekor qilish, prezidentning biror partiyaga aʼzo boʻlishi huquqini qayta koʻrib chiqish, prezident yaqin qarindoshlarining yuqori davlat lavozimlarida ishlashiga taʼqiqi qoʻyish, prezidentning parlament yuqori palatasini saylashdagi vakolatlarini kamaytirish va boshqa oʻzgarishlar haqida gapirgan edi.
Eslatib oʻtamiz, Qozogʻistonda umumxalq referendumi soʻnggi bor 1995 yilda oʻtkazilgan edi. Undan soʻng referendumlar haqida yangi qonun qabul qilingan boʻlsa-da, respublikada biror marotaba ham umumxalq referendumi oʻtkazilmagan.
Yangiliklar lentasi
0