Turizm

Uzbekistan Airways Ramazon hayiti kunlarida chegirma eʼlon qildi

Boeing 767- 3 CBER - Sputnik Oʻzbekiston, 1920, 29.04.2022
Obuna boʻlish
Yandex newsTelegram
Ramazon hayti kunlarida “Oʻzbekiston temir yoʻllari” ham “Afrosiyob” poyezdining qoʻshimcha qatnovi yoʻlga qoʻyilishini eʼlon qilgan.
TOSHKENT, 29 apr — Sputnik. Oʻzbekistonda Ramazon hayiti bayrami munosabati bilan ichki sayohatga katta chegirmalar eʼlon qilindi. Bu haqda Turizm va madaniy meros vazirligi matbuot xizmati xabar berdi.
Unga koʻra, “Uzbekistan Airways” AJ tomonidan bayram munosabati bilan 2022 yil 2 maydan 4 maygacha amalga oshiriladigan mahalliy aviaqatnovlarning barcha tariflariga 50 foiz chegirma joriy qilingan.
Shuningdek, “Oʻzbekiston temir yoʻllari” AJ tomonidan Ramazon Hayiti bayrami arafasida yoʻlovchilarga yanada koʻproq qulaylik yaratish maqsadida, 3-4-5 may kunlari, Samarqand – Toshkent – Samarqand yoʻnalishida 767/768-sonli yuqori tezlikda harakatlanuvchi “Afrosiyob” poyezdining qoʻshimcha qatnovi yoʻlga qoʻyiladi.
Bundan tashqari, “Vaqf” xayriya jamoat fondi tasarrufidagi pullik kirish chiptalari joriy qilingan madaniy meros obʼyektlari (ziyoratgoh va qadamjolar)da 30 aprel hamda 1-2-3-4 may sanalarida mamlakat fuqarolari uchun kirish chiptalar narxiga kattalar uchun 20 foiz hamda yoshlar uchun 50 foiz chegirmalar joriy qilingan.
Shu bilan birga, Ramazon hayiti munosabati bilan Uzbekistan Airways 2 maydan 5 maygacha Termiz, Nukus, Buxoro, Urganch va Andijonga qoʻshimcha aviaqatnovlarni amalga oshiradi.
Yangiliklar lentasi
0