Jamiyat

"Ramazon chodiri" Moskva musulmonlarini birlashtimoqda

© SputnikMoskvadagi Xotira masjidi va "Ramazon chodiri"
Moskvadagi Xotira masjidi va Ramazon chodiri - Sputnik Oʻzbekiston, 1920, 30.04.2022
Obuna boʻlish
Yandex newsTelegram
Rossiyadagi eron elchisi butun dunyo musulmonlarini ekstremizm va nizolarga qarshi birgalikda kurashishga chaqirdi.
TOSHKENT, 30 apr – Sputnik. Eron Islom Respublikasi elchisi Kazem Jaloli Moskvada 29 aprel kuni boʻlib oʻtgan “Ramazon chodiri” xayriya iftorlik tadbirida, butun dunyo musulmonlarini birlashishga chaqirdi, deb xabar qilmoqda Sputnik muxbiri.

“Men barcha dindoshlarni birlashishga chaqiraman. Butun dunyoda musulmonlar birlashishi kerak va shunday yoʻl bilan Gʻarb mafkurasi va ikkiyoqlama standartlar siyosatiga toʻsiq qoʻyish mumkin. Bizning Qurʼonimiz, Qiblamiz va Ollohimiz bir”, - dedi elchi.

© SputnikRossiyadagi Eron elchiri Kazem Jalolining nutqi
Posol Irana v RF - Kazem Jaloli - Sputnik Oʻzbekiston, 1920, 30.04.2022
Rossiyadagi Eron elchiri Kazem Jalolining nutqi
Jaloli aytishiga koʻra, musulmonlarning asosiy kuchi – bu iroda va birlikdir. Gʻarb harchand ekstremistik harakatlarni uyushtirmasin, musulmonlar orasida nizo chiqara olmaydi.
“Gʻarb mafkurachilari terrorchi va ekstremistlarni musulmonlar nomidan harakat qilishga ishontira oldi, lekin dunyoda musulmonlar orasida nizo chiqara olmadi. Bizning dinimiz sof va barchani tinchlik va yaxshi qoʻshnichilikda yashashga chaqiradi” – dedi Jaloli.
© Sputnik"Ramazon chodiri", 29 aprel 2022 yil
Shatyor Ramadana - Vecher Irana Posvyaщennыy Mejdunarodnomu Dnyu Al-Kuds - Sputnik Oʻzbekiston, 1920, 30.04.2022
"Ramazon chodiri", 29 aprel 2022 yil
Eron elchisi Falastin muammosi borasida ham toʻxtalib oʻtdi. Uning soʻzlariga koʻra, Gʻarbga ishonch yoʻq, chunki Falastinni erkin qilish borasida eng yuqori doiralarda oʻtkazilgan muzokaralar ham hech narsaga olib kelmadi. BMT tomonidan qabul qilingan 900 dan ortiq hujjatlar faqat qogʻozda qoldi.
“Bir kuni kelib dunyodagi barcha musulmonlar Al-Aqso masjidida namoz oʻqishga imkoni paydo boʻlishiga ishonaman”, - deb soʻzini tugatdi elchi.
Xalqaro Al-Aqso kuni – Ramazon oyining soʻnggi juma kuni nishonlanadi. Ushbu kunni nishonlash Eron sobiq rahbari Ayatolla Xomayni tashabbusi bilan, falastin xalqining mustaqilligi uchun kurashiga birdamlik ramzi sifatida 1979 yilda boshlangan.
© islam.ruRamazon chodiri 2020 yil
Shater Ramadana v Moskve - Sputnik Oʻzbekiston, 1920, 30.04.2022
Ramazon chodiri 2020 yil
Moskvada turli davlatlar va Rossiyaning turli viloyatlaridan kelgan musulmonlar juda koʻp yashaydi. Har yili Ramazon oyida Xotira masjidi hududida “Ramazon chodiri” nomli xayriya iftorlik oʻtkazish – anʼanaga aylangan. Tadbir Moskvada yashaydigan biror musulmon davlatlari, milliy, diniy yoki boshqa uyushmalari homiyligida oʻtkaziladi. Bir kun oʻzbeklar, boshqa kun tojiqlar, uchinchi kun tatar musulmonlari 1500 kishi uchun iftorlik dasturxoni yozadi. Odatda, Ramazon oyi boshlanmasdan turib chodirda boʻsh kun qolmaydi.
Iftorlik davomida homiy tomon turli madaniy va diniy tadbirlar ham namoyish qilishi mumkin, Qurʼon tilovat qilinadi, nashidlar kuylaydi, tanlovlar oʻtkaziladi. “Ramazon chodiri” millati va mazhabi va boshqa guruhidan qatʼiy nazar – barcha musulmonlarni bir xil qabul qiladi. Moskvada ushbu ajoyib anʼana boshlanganiga bu yil 16 yil toʻldi.
© Sputnik"Ramazon chodiri" jadvali 2022 yil
Raspisaniye Shatra Ramadana na 2022 god - Sputnik Oʻzbekiston, 1920, 30.04.2022
"Ramazon chodiri" jadvali 2022 yil
Yangiliklar lentasi
0