O‘zbekiston Afg‘oniston havo hududini buzmagan - Mudofaa vazirligi

© Press-slujba Ministerstva oboroni UzbekistanaMinisterstvo oboroni Uzbekistana
Ministerstvo oboroni Uzbekistana - Sputnik O‘zbekiston, 1920, 01.05.2022
Obuna bo‘lish
O‘zbekiston dronlari Afg‘oniston havo hududini buzib o‘tgani haqida xabarlar haqiqatga to‘g‘ri kelmaydi – Mudofaa vazirligi.
TOShKENT, 1-may — Sputnik. O‘zbekiston Mudofaa vazirligi ayrim OAV va ijtimoiy tarmoqlarda tarqalgan O‘zbekistonga tegishli uchuvchisiz boshqariladigan uchish apparatlari Afg‘oniston havo makonini buzib o‘tgani haqidagi xabarlarni rad etdi.
"Bu kabi tarqatilayotgan xabarlar mutlaqo haqiqatga to‘g‘ri kelmaydi. O‘zbekiston Respublikasi harbiy-havo kuchlari tomonidan qo‘shni davlatlar havo makonini buzish holatlari bo‘lmagan.
Shuningdek, O‘zbekiston Respublikasi havo hujumidan mudofaa qo‘shinlari qo‘shni davlatlar aviatsiyasi tomonidan mamlakatimiz havo makonining buzilish holatlarini qayd etmagan.
O‘zbekiston Respublikasi Mudofaa vazirligining uchuvchisiz boshqariladigan, qiruvchi va ishg‘ol aviatsiyasi qat’iy belgilangan tartibda jangovar navbatchilik o‘tamoqda", deyilgan vazirlik bayonotida.
Yangiliklar lentasi
0