"Registratsiyasiz 15 kun": Putin O‘zbekiston bilan bitimni ratifikatsiya qildi

© Sputnik / Sergey IlinPrezident RF Vladimir Putin
Prezident RF Vladimir Putin  - Sputnik O‘zbekiston, 1920, 01.05.2022
Obuna bo‘lish
TOShKENT, 1-may — Sputnik. Vladimir Putin “Rossiya Federatsiyasi Hukumati va O‘zbekiston Respublikasi Hukumati o‘rtasida Rossiya Federatsiyasi fuqarolarining O‘zbekiston Respublikasi hududida va O‘zbekiston Respublikasi fuqarolarining Rossiya Federatsiyasi hududi bo‘lish tartibi to‘g‘risidagi Bitimni ratifikatsiya qilish to‘g‘risida"gi qonunni imzoladi.
O‘zbekiston fuqarolarining Rossiyada majburiy ro‘yxatga olinishi (registratsiya) ushbu mamlakatga kirgan kundan boshlab 15 kungacha uzaytirildi. Bunday tartib O‘zbekistonga kelgan Rossiya fuqarolariga nisbatan amal qiladi.
Ilgari O‘zbekiston fuqarolari Rossiyaga kirgandan keyin 7 kun ichida, O‘zbekistonda rossiyaliklar esa 3 kun ichida migratsiya ro‘yxatidan o‘tishlari kerak edi.
Hujjat 1-may kuni huquqiy axborot portalida e’lon qilindi.
O‘zbekiston va Rossiya o‘rtasidagi kelishuv 2021-yil 17-iyun kuni imzolangan.
Bundan avval Rossiya Federatsiya Kengashi bitimni ratifikatsiya qilgandi.
O‘zbekiston tomoni barcha ratifikatsiya jarayonlarini yakunlagan.
Belarus, Qozog‘iston, Qirg‘iziston, Tojikiston va Armaniston fuqarolariga migratsiya ro‘yxatidan o‘tish uchun 15 kunlik muddat belgilangan.
Yangiliklar lentasi
0