Hodisalar

FVV bugungi sel oqibatlari haqida maʼlum qildi - video

© Uzb_MeteoPosledstviya seli v Kashkadarinskoy oblasti
Posledstviya seli v Kashkadarinskoy oblasti - Sputnik Oʻzbekiston, 1920, 03.05.2022
Obuna boʻlish
Yandex newsTelegram
Qashqadar va Surxondaryo viloyatlarining ayrim hududlarida sel kelish hodisalari kuzatildi, aholi mulkiga zarar yetmagan - FVV.
TOSHKENT, 3 may - Sputnik. Bugun, 3 may kuni Oʻzbekistonning bir necha hududlarida sel kuchli yogʻingarchilik va sel kelishi kuzatildi, deb xabar qilmoqda FVV.
Xususan, Qashqadaryo viloyati Shaxrisabz tumani "Hisorak" QFY hududda yogʻib oʻtgan yogʻingarchilik tepaliklaridan qum aralash shagʻallarni ichki yoʻllarga yuvib tushirgan. Hodisa oqibatida aholi xonadonlari, ularning mulklariga ziyon yetmagan.
Surxondaryo viloyati Boysun tumanida qisqa muddatli yogʻib oʻtgan yomgʻir yogʻishi natijasida tumanning "Machay", “Yuqori Machay” va "Darband" qishlogʻida qisqa muddati sel oqimi kuzatilgan. Sel suvlari "Machay", “Yuqori Machay” qishloqlarining ichki yoʻllariga hamda "Darband" qishlogʻi hududidan oʻtgan M-39 "Toshkent-Termiz" xalqaro avtomobil yoʻliga toshgan. Sel suvlari oqibatida aholi xonadonlari, itimoiy obʼyektlar va kommunikatsiya tarmoqlariga zarar yetmagan. "Toshkent-Termiz" xalqaro avtomobil yoʻlida transport vositalari qatnovi toʻxtatilmagan.
Sariosiyo tumani togʻli hududining "Xonjiza" MFY hududidan oqib oʻtuvchi "Xursandsoy" soyida suv hajmi ortib, soy chetiga oʻrnatilgan 2 dona, 110 kVt kuchlanishli metal konstruktsiyali ustunlar ostini yuvishi oqibatida ushbu ustunlarni yonboshga yiqilishiga olib kelgan. Ayni vaqtda ushbu elektr ustunlarini demontaj qilish ishlari olib borilmoqda. Xavfsizlik nuqtai nazardan elektr taʼminoti vaqtincha uzilgan.
Shu bilan birga, "Tsangardak" soyi tepaliklaridan oqib tushgan yomgʻir suvlari tuproq va qum-shagʻallarni ichki yoʻllarga oqizib kelgan. Yoʻllarda toʻplangan loyqa va qum-shagʻallar maxsus muhandislik texnikalari yordamida toʻliq bartaraf etildi. Yogʻingarchilik oqibatida aholi xonadonlari va ularning mulkiga ziyon yetmagan.
Hozirda sel oqimidan soʻng yoʻllarda yigʻilib qolgan qum-shagʻal va loyiqalarni tozalash ishlari FVV va tegishli xizmatlar xodimlari hamda maxsus muhandislik texnikalari yordamida amalga oshirilmoqda.
Togʻli va togʻoldi hududlarda istiqomat qiluvchi aholi, dam olish maskanlarida dam oluvchilar va ushbu hududlarda harakatlanuvchi haydovchilardan ehtiyotkorlik choralarini koʻrishni soʻraymiz.
Maʼlumot uchun, Oʻzbekiston Gidrometeorologiya xizmati 3-5 may kunlari Qashqadaryo, Surxondaryo, Samarqand, Jizzax, Navoiy, Toshkent, Namangan, Andijon va Fargʻona viloyatlarining togʻli hududlarida kuchli yogʻingarchilik va sel kelishi ehtimoli borligi haqida xabar berilgan edi.
Yangiliklar lentasi
0