Shavkat Mirziyoyev IIVning Situatsion-tahliliy markazi bilan tanishdi
09:43 04.05.2022 (yangilandi: 09:49 04.05.2022)
© Press-slujba prezidenta Uzbekistana
Obuna bo‘lish
Situatsion-tahliliy markazga ga "102" tizimi, videokuzatuv kameralari, internet va boshqa manbalardan kelib tushayotgan ma’lumotlar avtomatlashgan tarzda yig‘iladi va qayta ishlanadi.
TOShKENT, 4-may - Sputnik. Prezident Shavkat Mirziyoyev 3-may kuni Ichki ishlar vazirligining Situatsion-tahliliy markazida bo‘ldi.
Yangi zamonaviy bino va ilg‘or axborot texnologiyalari, serverlar va kuzatuv ekranlariga ega bo‘lgan markaz ichki ishlar organlarining kuch va vositalarini axborot texnologiyalari asosida boshqarishga ixtisoslashgan.
Shavkat Mirziyoyev v Situatsionno-analiticheskom sentre
© Press-slujba prezidenta Uzbekistana
Prezident markazdagi sharoitlarni ko‘zdan kechirdi, ish tizimi bilan tanishdi. Bu yerda barcha huquq-tartibot idoralari va shoshilinch xizmatlar ma’lumotlarini integratsiya qilish zarurligini ta’kidladi.
- Bu katta ish. Lekin qamrov va tezkorlikni oshirish kerak. Odamlar qachon o‘zini xavfsiz, erkin sezadi? Qachon turist ko‘payadi? Jinoyatchilik yo‘q bo‘lsa, xavfsizligiga ishonsa, ko‘chada tartibdan tozalikkacha - hammasi ta’minlangan bo‘lsa. Buning uchun barcha huquq-tartibot idoralari ma’lumotlarini bir mushtdek integratsiya qilish kerak. Bu integratsiya kirib borgan har bir tarmoq xodimlarining dunyoqarashini o‘zgartirish zarur, - dedi Shavkat Mirziyoyev.
Markazni ko‘zdan kechirgan prezident ushbu tizim uchun kadrlar tayyorlash, tuman va shahar ichki ishlar bo‘limlarida zamonaviy texnologiyalar bilan ishlaydigan tahlilchilar faoliyatini tashkil etish muhimligi ta’kidlandi.
Shavkat Mirziyoyev v Situatsionno-analiticheskom sentre
© Press-slujba prezidenta Uzbekistana
Shuningdek, ichki ishlar tizimida “inson omilini istisno etuvchi” elektron navbat, masofadan murojaat kabi onlayn xizmatlarni keng joriy etish vazifasi qo‘yildi.
Undan tashqari Shavkat Mirziyoyevga Samarqand viloyatida yo‘lga qo‘yilgan “Xavfsiz turizm” dasturi namoyish qilindi.
Ma’lumot uchun, Situatsion-tahliliy markazga ga "102" tizimi, videokuzatuv kameralari, internet va boshqa manbalardan kelib tushayotgan ma’lumotlar avtomatlashgan tarzda yig‘iladi va qayta ishlanadi. Buning uchun bu yerda 554 terrabayt xotiraga ega 18 ta server, katta hajmli kuzatuv ekrani, kompyuterlar mavjud.
Ushbu markaz butun O‘zbekistonda jamoat xavfsizligini ta’minlash uchnu xizmat qiladi. Xususan, qoidabuzarlik, avtotransport davlat raqami yoki shaxsning yuz qiyofasi orqali tezkor aniqlanib, qidiruv tashkil etish imkoni mavjud. Yangi tizim sun’iy intellekt yordamida ishlaydi va inson omili minimal darajada, - deyiladi habarda.
Situatsionno-analiticheskiy sentr MVD
© Press-slujba prezidenta Uzbekistana
