Hodisalar

Bahor havosi: bir necha hududlarda sel keldi - video

© Uzb-MeteoPosledstviya seli v Djizzakskoy oblasti
Posledstviya seli v Djizzakskoy oblasti  - Sputnik Oʻzbekiston, 1920, 05.05.2022
Obuna boʻlish
Yandex newsTelegram
Bu yilgi bahor havosi noodatiy hodjisalarga boy boʻldi. Surxondaryo,, Qashqadaryo, Jizzax va boshqa viloyatlarning togʻli hududlarida koʻplab suv bosishi va sel kelish hodisalari kuzatildi.
TOSHKENT, 5 may - Sputnik. Oʻtgan bir ikki kunda Oʻzbekistonning turli hududlarida kuchli yomgʻir va sel kelishi hamda suv bosishi kuzatildi. Bu haqida Uzb_Meteo telegram kanali hamda mahalliy ijtimoiy tarmoqlarda paydo boʻlgan foto va videolardan maʼlum boʻldi.
Surxondaryoning Uzun tumanidagi "Kichik Jonchekka" hamda "Dehqon" MFYda sel kelgan.
Shuningdek, "Boysun bahori" festivali oʻtkaziladigan hududni ham suv bosgan. Lekin "Oʻzgidromet" 6-8 may kunlari Surxondaryoda yogʻingarchilik boʻlmasligini xabar qilmoqda.
Yana Boysundan video.
Surxondaryo viloyati shimolida 4 may oqshom va ertalab tinimsiz yogʻgan yomgʻir oqibatida Xalqajarsoy soyidan suv toshqini oʻtishiga olib keldi.
Jizzaxning Zomin tumanidagi Pishogʻar, Achchi, Shoʻrcha qishloqlaridan oʻtgan soylarga sel keldi. "Jizzax-Zomin" avtomobil yoʻli ostidan oʻtgan quvurlarga sigʻmay yoʻl ustidan oʻtgan va yoʻlni sel oqiziqlari bilan yuvib oʻtgan. FVV qutqaruvchilari selda oqib ketayotgan "Pishogʻar" qishlogʻida istiqomad qiluvchi 20 yoshli fuqaroni suvdan qutqarib olishgan.
Shuningdek, Toshkent va Andijonda ham ayrim hududlarni suv bosgani xabar qilingan.
Favqulodda Vaziyatlar vazirligi oʻtgan tunda "Qamchiq" dovonini bir muddatga yopib qoʻygani va keyin qayta ochilgani haqida xabar qilgan edi.
Mahalliy OAVlar Qamchiq dovoni orqali yuradigan "Toshkent - Andijon" tezyurar poyezdi qatnovi ham vaqtincha toʻxtatilganini maʼlum qilishmoqda.
Yangiliklar lentasi
0