Jamiyat

“Mehrli maktab” davlat taʼlim muassasasi tashkil etildi

© Sputnik / Nikolay Xijnyak / Fotobankka oʻtishMedsestra stavit kapelnitsu patsiyentu
Medsestra stavit kapelnitsu patsiyentu - Sputnik Oʻzbekiston, 1920, 05.05.2022
Obuna boʻlish
Yandex newsTelegram
Markazda davolanayotganlar uchun alohida oʻquv rejasi ishlab chiqiladi. Ular asosida 1–11-sinflar hajmida umumiy oʻrta taʼlim beriladi.
TOSHKENT, 5 may — Sputnik. Hukumatning 234-sonli qarori bilan “Mehrli maktab” davlat taʼlim muassasasi tashkil etildi. Bu muassasada maktabgacha guruhlar faoliyat koʻrsatishi mumkin.
“Mehrli maktab” Bolalar gematologiyasi, onkologiyasi va klinik immunologiyasi markazida davolanayotgan bolalarga maktabgacha taʼlim va tarbiya hamda umumiy oʻrta taʼlim berish jarayonlarini samarali tashkil etish maqsadida tashkil etildi.
Mehrli maktabda quyidagi maktabgacha guruhlar faoliyat koʻrsatishi mumkin:
maktabgacha taʼlim gospital guruhlari – davolash-profilaktika muassasalarida tashkil etiladi. Ularga statsionar davolanayotgan, sogʻligʻi sababli bogʻchaga bora olmaydigan 2 yoshdan 7 yoshgacha boʻlgan bolalar qamrab olinadi.
ilk rivojlanish yoshidagi bolalarga moʻljallangan oʻyin guruhlari – statsionar davolash-profilaktika muassasalarida tashkil etiladi. Ularga 1,5 yoshdan 2 yoshgacha boʻlgan bolalar qamrab olinadi. Ushbu guruhda ona onalar oʻz farzandlarini parvarish va nazorat qilishi mumkin boʻladi.
maktabgacha taʼlim gospital guruhlari, ilk rivojlanish yoshidagi bolalarga moʻljallangan oʻyin guruhlari.
Davolanayotganlarni maktabgacha gospital guruhlariga qabul qilish Mehrli maktab tomonidan taqdim etiladigan roʻyxatlar asosidaamalga oshiriladi.
Markazda davolanayotganlar uchun alohida ishlab chiqilgan oʻquv rejasi asosida 1–11-sinflar hajmida umumiy oʻrta taʼlim beriladi.
Dars mashgʻulotining davomiyligi boshlangʻich maktabning 1–4 sinflarda – 35 daqiqa, 5–11 sinflarda – 40 daqiqa boʻladi.
Bunda bir kunlik dars mashgʻulotlari 1–4 sinflarda 3 soatdan, 5–11 sinflarda 4 soatdan oshmasligi lozim. Oʻquv haftasi davomiyligi 5 kunlik asosida olib boriladi.
Muassasa yuridik shaxs maqomiga ega va u Xalq taʼlimi vazirligi huzurida tashkil etiladi.
Yangiliklar lentasi
0