Iqtisod

Surxondaryodan har kuni Rossiyaga oʻrik eksport qilinmoqda

© Sputnik / Ramil Sitdikov / Fotobankka oʻtishProdaja ovoщey i fruktov
Prodaja ovoщey i fruktov  - Sputnik Oʻzbekiston, 1920, 05.05.2022
Obuna boʻlish
Yandex newsTelegram
Bu yilgi mavsum davomida Termiz tumanida oʻrikning oʻzidan 270-300 tonna atrofida hosil olish va uni chet davlatlarga eksport qilish kutilmoqda.
TOSHKENT, 5 may — Sputnik. Surxondaryo viloyatining Termiz tumanida pishib yetilgan oʻrik hosili kunlik terib olinib, har kuni 10 tonnadan ortiq mahsulot Rossiya va qoʻshni davlatlarga eksport qilinmoqda. Bu haqda viloyat hokimligi xabar bermoqda.
Oʻzbekistonning eng janubiy hududi – Surxondaryo viloyatining Termiz tumanidan yangi hosil oʻrigining birinchi partiyalarini eksport qilish boshlandi. Xususan, “SPN Humo agro” korxonasi hozirga qadar bir necha oʻnlab tonna ertapishar sarxil oʻriklarini tashqi bozorlarga joʻnatgan.
Korxonaga qarashli maydonda Turkiya, Italiya va Gretsiya kabi davlatlardan keltirilgan “Pretsiya”, “Rubista”, “Moyakot” kabi oʻriklarning 18 turdagi ertapishar, hosildor navlari ekilgan.
Hozirda 30 gektar maydonda shaftoli, 58 gektarda oʻrikning hosildor navlarini yetishtirilmoqda. Bu yilgi mavsum davomida oʻrikning oʻzidan 270-300 tonna atrofida hosil olish va chet davlatlarga eksport qilish rejalashtirilgan.
Korxona direktori Nurbek Aliqulovning soʻzlariga koʻra, Termiz tumani Oʻzbekistonning eng janubida joylashganligi va oʻziga xos ob-havosi sabab boshqa hududlarga qaraganda meva-sabzavotlar erta pishib yetiladi.
Fargʻonadan Sverdlovskka meva-sabzavot eksporti hajmi oshiriladi
Shuningdek, oʻriklar mahalliy aholi isteʼmoli uchun respublika boʻylab ichki bozorlarga chiqarilmoqda.
Maʼlumot uchun, oʻtgan yili oʻrik eksporti hajmi keskin pasayib, soʻnggi 5 yildagi eng past koʻrsatkichni qayd etgan. Yanvar-iyun oylarida Surxondaryo viloyatidan xorijiy mamlakatlarga 8,3 tonna oʻrik eksport qilingan.
Yangiliklar lentasi
0