Jamiyat

Chorsu bozori rekonstruktsiyasi Madaniy meros agentligi nazoratida amalga oshiriladi

© Madaniy meros agentligiRыnok Chorsu. Rekonstruktsiya
Rыnok Chorsu. Rekonstruktsiya - Sputnik Oʻzbekiston, 1920, 06.05.2022
Obuna boʻlish
Yandex newsTelegram
Koʻk gumbazlar ostidagi bozorning savdo rastalari holati sanitariya talablariga toʻliq javob bermaydi. Bozor zamonaviy talablar asosida qayta tiklanadi.
TOSHKENT, 6 may — Sputnik. “Eski shahar” markazidagi Chorsu dehqon bozori Madaniy meros agentligi nazorati ostidare konstruktsiya qilinadi. Qayta tiklash ishlari davomida yettita gumbazning tarixiy qiymatiga zarar yetkazilmaydi. Bu haqda Madaniy meros agentligi xabar berdi.
Ayni kunlarda Chorsu bozorida rekonstruktsiya ishlari olib borilmoqda. Ijtimoy tarmoqlarda qurilish ishlarida bozordagi gumbazlardan biri buzib tashlanishi mumkinligi toʻgʻrisida xabarlar paydo boʻldi. Agentlik ushbu masalaga oydinlik kiritish maqsadida mutaxassislar, arxeolog olimlar va OAV ishtirokida qurilish jarayonini borib oʻrgandi.
“Bozorning aynan qaysi hududlari tarixiy ahamiyat kasb etishini koʻrib chiqish kerak. Nafaqat bozordagi, balki uning atrofidagi baʼzi binolar ham madaniy meros obʼyekti sifatida koʻrib chiqilmoqda”, deydi Ilmiy ekspert kengashi aʼzosi Zafar Hakimov.
Bozordagi 7 ta koʻk gumbaz madaniy meros obʼyekti sifatida baholanadi. Ushbu hududni rekonstruktsiya qilishga oid eski loyihada kichik gumbazlarning buzilishi nazarda tutilgan edi. Agentlik ushbu loyihani rad etgan. Hozirda mazkur gumbazlarni saqlab qolgan holda taʼmirlash ishlariga ruxsat berildi.
© Madaniy meros agentligiRыnok Chorsu. Rekonstruktsiya
Rыnok Chorsu. Rekonstruktsiya - Sputnik Oʻzbekiston, 1920, 06.05.2022
Rыnok Chorsu. Rekonstruktsiya
Agentlik yangi loyiha boʻyicha arxitektorlarga oʻz takliflarini bergan. Hozirda qurilishda qonunga hilof ishlar aniqlanmagan.
“Biz ushbu gumbazlarning tarixiy ahamiyati saqlanib qolishi lozimligini qatʼiy talab qilamiz”, deydi Ilmiy ekspert kengashi aʼzosi Muhammad Foziliy.
Bozor gumbazlariga qoʻshimcha jihozlar oʻrnatish, uning ustini qoplash, naqshlarini oʻzgartirish, zamonaviy bezak kiritish ishlari uchun ham agentlikdan ruxsat olinishi kerak.

Chorsu bozori rekonstruktsiyaga muhtojmi ?

Savdo markazi milodiy XI-XII asrlardan mavjud. Bugungi kunga kelib unda zamonaviy talablar asosida infrastruktura va qulaylik yaratish zaruriyati yuzaga kelgan. Ayni vaqtda gumbazlar ostidagi savdo rastalari holatisanitariya talablariga toʻliq javob bermaydi. Yoritish, tozalik, havo tozaligi, texnik va yongʻin xavfsizligi masalalarida muammolar mavjud.
Agentlik tarixiy obidalarni asrashda befarq boʻlmagan fuqarolarni hamkorlikka chaqirdi. Nafaqat Chorsu bozoridagi rekonstruktsiya ishlari, balki butun mamlakatdagi madaniy meros obʼyektlariga zarar yetkazilgan taqdirda, (71) 200 01 18 raqamiga qoʻngʻiroq qilib, xabar berish soʻralmoqda.
Maʼlumot uchun, Chorsu dehqon bozori Buyuk Ipak yoʻlidagi muhim markaz boʻlgan toʻrtta savdo koʻchalari kesishmasida tashkil etilgan. Bozor koʻk gumbazlar ostida bir nechta savdo boʻlimlaridan iborat. U yerda oziq-ovqat, uy-roʻzgʻor, gilam, zargarlik buyumlari va hunarmandchilikga doir mahsulotlar sotiladi.
Yangiliklar lentasi
0