Toshkentda “Yeralash” kinojurnali rejissori mahorat darsi o‘tkazadi

© Sputnik / Sergey PatakovStudiya "Yeralash"
Studiya Yeralash - Sputnik O‘zbekiston, 1920, 06.05.2022
Obuna bo‘lish
Toshkentda mashhur “Yeralash” kinojurnali rejissori Feliks Krivosheyev ishtirokida mahorat darsi bo‘lib o‘tadi. Unga kirish bepul.
TOShKENT, 6-may — Sputnik. Butunrossiya davlat kinematografiya instituti 7-may kuni Toshkent filialida rejissor Feliks Krivosheyev tomonidan mahorat darsi o‘tkaziladi. Bu haqda Kinematografiya agentligi xabar berdi.
Rejissor Rossiya produserlar gildiyasi, ko‘plab rus telekanallari muharriri va “Yeralash” jurnali rejissori hisoblanadi. U dunyoda birinchilardan bo‘lib onlayn kino maktabi hamda "Lucky" nomli "Video 360" formatidagi janrli filmlarni yaratgan.
Mahorat darsi soat 10:00 da boshlanadi. Kirish bepul. Butunrossiya davlat kinematografiya instituti Toshkent filiali chilonzor 1A manzilida joylashgan.
Ma’lumot uchun, yuz minglab bolalar va kattalar Yeralashda rol o‘ynashni orzu qilishgan. Bir necha o‘n yillar davomida “Yeralash” faqat Moskvada suratga olingan. 2010-yildan boshlab esa viloyatdagi bolalarda ham Yeralashda suratga tushish imkoniyati yaratilgan.
Bugun hamma o‘zining sevimli kinojurnalining qahramoniga aylanishi mumkin. Bu imkoniyat Yeralash studiyasi tomonidan taqdim etiladi. Ayni paytda studiya Rossiyaning ko‘plab shaharlarida ochilgan. Studiya “Yeralash” jurnali bilan hamkorlikda ishlaydi.
Yangiliklar lentasi
0