Dunyoda

Berlinda rossiyalik jurnalistlarga qarshi uyushtirilgan ehtimoliy teraktning oldi olindi

© Sputnik / Igor ZaremboZdaniye posolstva Rossiyskoy Federatsii v Berline
Zdaniye posolstva Rossiyskoy Federatsii v Berline - Sputnik Oʻzbekiston, 1920, 07.05.2022
Obuna boʻlish
Yandex newsTelegram
Rossiya TIV: Germaniya hukumati ushbu jinoyatni har tomonlama chuqur tekshirishga majburdir.
TOSHKENT, 7 may — Sputnik. Kecha, 6 may kuni, Berlinda Rossiyaga tegishli turar-joy majmuasida yashovchi rossiyalik jurnalistlar va ularning oila aʼzolariga qarshi terrorchilik harakatini amalga oshirishga boʻlgan ehtimoliy urinishning oldi olindi. Bu haqda Rossiyaning Germaniyadagi elchixonasi xabar berdi.
Xabarga koʻra, binoning derazalaridan biri shisha bilan sindirilgan. Keyin uyda suyuqlik bilan toʻldirilgan katta idish, plastik shisha va simlar yopishtirilgan gaz ballonidan iborat shubhali narsa topilgan.
Voqea joyiga yetib kelgan Germaniya huquq-tartibot idoralari xodimlarining dastlabki maʼlumotlariga koʻra, ushbu ashyo qoʻlbola portlovchi qurilma boʻlgan.
Portlash xavfi boʻlgani sababli qurilma joyida zararsizlantirilgan. Operatsiya natijasida hech kim jabrlanmagan. Berlin politsiyasi voqea yuzasidan tergov olib bormoqda.
Rossiyalik jurnalistlar va ularning oila aʼzolariga xavfsiz joyga koʻchib oʻtish imkoniyati berildi. Voqea fakti yuzasidan elchixona Germaniya Tashqi ishlar vazirligiga jinoyatchilarni aniqlash talabi bilan nota yubordi.
Rossiya Tashqi ishlar vazirligi Germaniya va boshqa Yevropa Ittifoqi hamda NATO davlatlaridan rossiyalik jurnalistlar va ularning oila aʼzolarini oʻz hududida himoya qilish uchun zudlik bilan choralar koʻrishni talab qilmoqda.
“Biz buni Gʻarbda Rossiya ommaviy axborot vositalari va ularning xodimlariga nisbatan boshlangan taʼqiblarning bevosita natijasi deb bilamiz. Rossiya ommaviy axborot vositalarini Yevropa Ittifoqida efirdan olib tashlash haqidagi siyosiylashtirilgan qaror ularning jismoniy qoʻrqitishi va shu jumladan, yoʻq qilinishiga olib keldi. Germaniya hukumati ushbu jinoyatni har tomonlama chuqur tekshirishga majburdir”, - deyiladi Rossiya TIV bayonotida.
Taʼkidlanishicha, demokratiyaning asosiy tamoyillari – soʻz erkinligi va jurnalistlar xavfsizligiga qaratilgan bu qoʻpol hujumga xolis baho BMT, YUNESKO va YXHTning jurnalistlar huquqlarini himoya qilish boʻyicha ixtisoslashgan tuzilmalari tomonidan berilishi kerak.
Yangiliklar lentasi
0