Jamiyat

Gaz taʼminotiga oid murojaatlarni koʻrib chiquvchi shtab tashkil etildi

Plita - Sputnik Oʻzbekiston, 1920, 07.05.2022
Obuna boʻlish
Yandex newsTelegram
"Hududgaztaʼminot" fuqarolarning gaz uchun toʻlov yoki qarzdorlik boʻyicha murojaatlarini koʻrib chiquvchi shtab ochdi.
TOSHKENT, 7 may — Sputnik. “Hududgaztaʼminot” AJda tashkil etilgan markazlashtirilgan shtab tabiiy gaz uchun oʻzaro hisob-kitoblarni aniqlashtirish bilan bogʻliq murojaatlar bilan ishlaydi. Bu haqda “Hududgaztaʼminot” matbuot xizmati xabar berdi.
Shtabga 1104 yoki 71 281-15-67 (310) raqamlari orqali qoʻngʻiroq qilish mumkin. Bundan tashqari, telegramda "Hududgaztaʼminot AJ ishchi guruhiga murojaat" guruhi ishga tushirildi.
Shtabda oʻzaro hisob-kitoblarni real vaqtda tahlil qilish, toʻlovlarni va tabiiy gazni isteʼmol qilish hajmlarini solishtirish, xatolarni topish va kamchiliklarni tuzatish imkoniyati yaratilgan.
Hozirda 10 nafar mutaxassis kun davomida fuqarolarning 100 dan ziyod murojaatlarini qabul qilmoqda. Oʻtgan 10 kun davomida mingga yaqin murojaatlar koʻrib chiqilib, ularning aksariyati isteʼmolchilar foydasiga hal etilgan.
Yangiliklar lentasi
0