Iqtisod

Talabalar uchun yotoqxona qurishga subsidiya qanday beriladi

© Sputnik / Zafar XalilovSum
Sum - Sputnik Oʻzbekiston, 1920, 08.05.2022
Obuna boʻlish
Yandex newsTelegram
Loyihalarni amalga oshirish uchun tadbirkorlar oʻrtasida tender oʻtkaziladi.
TOSHKENT, 8 may — Sputnik.Hukumat qarori bilan talabalar turar joylarini (TTJ) davlat-xususiy sheriklik (DXSH)shartlari asosida qurish uchun Davlat byudjetidan subsidiya ajratish tartibi toʻgʻrisidagi nizom tasdiqlandi.
Nizomga koʻra, talabalar turar joylarini qurish loyihalarini amalga oshirish uchun xususiy sherikka beriladigan subsidiya TTJni qurish loyiha-smeta hujjatlari boʻyicha bir oʻringa toʻgʻri keladigan qiymatning 50 foizi, biroq BHMning 100 baravaridan (27 million soʻm) ortiq boʻlmagan miqdorda ajratiladi.
Bunda loyihalarni amalga oshirish uchun tadbirkorlar oʻrtasida tender oʻtkaziladi.
Nizomga koʻra, DXSH toʻgʻrisidagi bitim DXSH loyihalarining reyestriga kiritilganidan soʻng xususiy sherik davlat sherigiga subsidiya ajratish toʻgʻrisida ariza bilan murojaat qiladi.
Davlat sherigi arizani 3 ish kuni ichida (qoʻshimcha oʻrganish uchun – 10 ish kuni ichida) oʻrganib chiqib, Oliy va oʻrta maxsus taʼlim vazirligiga yuboradi.
Vazirlik taqdim etilgan arizani 5 ish kunida oʻrganib chiqib, subsidiya berish uchun davlat sherigi bilan subsidiya ajratish yuzasidan shartnoma imzolaydi.
Xususiy sherikka TTJ qurish uchun 2 ish kuni ichida davlat sherigi tomonidan birinchi bosqichda TTJ umumiy qiymatining 15 foizi miqdorida subsidiya ajratiladi.
Keyingi bosqichlarda bajarilgan ishlar dalolatnomasi imzolangan kundan 3 ish kuni ichida bajarilgan ishning 50 foizi miqdorida, birinchi bosqichda ajratilgan mablagʻlarni inobatga olgan holda subsidiya ajratiladi.
Maʼlumot uchun, 2022–2025 yillarda respublika boʻyicha jami 228 ta (joriy yilda 47 ta) talabalar turar joylari (400 oʻrinli) barpo etish nazarda tutilgan.
Yangiliklar lentasi
0