Siyosat

Xorijiy davlat rahbarlari Mirziyoyevni Gʻalabaning 77 yilligi bilan tabriklashdi

© Press-slujba prezidenta UzbekistanaShavkat Mirziyoyev
Shavkat Mirziyoyev - Sputnik Oʻzbekiston, 1920, 09.05.2022
Obuna boʻlish
Yandex newsTelegram
Xorijiy hamkorlar oʻz qutlovlarida koʻp millatli Oʻzbekiston xalqining buyuk Gʻalabaga qoʻshgan ulkan hissasini alohida qayd etganlar.
TOSHKENT, 9 may — Sputnik. Xotira va qadrlash kuni hamda Ikkinchi jahon urushidagi Gʻalabaning 77 yilligi munosabati bilan Oʻzbekiston prezidenti Shavkat Mirziyoyev nomiga xorijiy davlatlar rahbarlari va taniqli siyosiy arboblaridan, xalqaro tashkilotlar rahbarlaridan qutlovlar kelmoqda.
Davlat rahbari matbuot xizmati xabariga koʻra, xorijiy hamkorlar oʻz qutlovlarida koʻp millatli Oʻzbekiston xalqining buyuk Gʻalabaga qoʻshgan ulkan hissasini alohida qayd etganlar.
“Tabriknomalarda bugungi erkin va tinch hayotimiz yoʻlida jang maydonida chinakam qahramonlik, mislsiz jasorat va matonat koʻrsatgan, front ortida fidokorona mehnat qilgan faxriylarimizga chuqur hurmat-ehtirom va minnatdorlik bildirilgan”, - deyilgna xabarda.
Oʻzbekiston prezidenti va xalqiga mustahkam sogʻlik, baxt-saodat, farovonlik, mamlakatimizga barqaror taraqqiyot va ravnaq tilaklari izhor etilgan.
Mirziyoyevga Rossiya prezidenti Vladimir Putin, Qozogʻiston prezidenti Qasim-Jomart Toqayev, Qirgʻiziston prezidenti Sadir Japarov, Tojikiston prezidenti Emomali Rahmon, Turkmaniston prezidenti Serdar Berdimuhamedov, Ozarbayjon prezidenti Ilhom Aliyev, Belarus prezidenti Aleksandr Lukashenko oʻz tabriklarini yoʻllashgan.
Bundan tashqari, Turkmaniston Milliy kengashi Xalq maslahati raisi Gurbanguli Berdimuhamedov, Qozogʻiston birinchi prezidenti Nursulton Nazarboyev, Rossiya Xavfsizlik kengashi raisining oʻrinbosari Dmitriy Medvedev va MDH Ijroiya qoʻmitasi raisi – ijrochi kotibi Sergey Lebedevdan qutlovlar kelgan.
Vklad Uzbekistana v pobedu nad fashizmom - Sputnik Oʻzbekiston, 1920, 09.05.2022
Infografika
Oʻzbekistonning fashizm ustidan gʻalaba qozonishda qoʻshgan hissasi
Yangiliklar lentasi
0