Farg‘onada ilk bor murakkab jarrohlik amaliyoti o‘tkazildi

© Sputnik / Ilya Pitalev / Mediabankka o‘tishXirurgi vo vremya operatsii
Xirurgi vo vremya operatsii - Sputnik O‘zbekiston, 1920, 10.05.2022
Obuna bo‘lish
Farg‘onada ateroskleroz kasalligiga chalingan ikki nafar bemorda murakkab jarrohlik amaliyoti o‘tkazildi.
TOShKENT, 10-may — Sputnik. Farg‘onada ilk bor ateroskleroz kasalligiga chalingan ikki nafar bemorda murakkab jarrohlik amaliyoti o‘tkazildi. Bu haqda Sog‘liqni saqlash vazirligi matbuot xizmati xabar berdi.
SSVga ko‘ra, bemorlardan biri yigirma besh yil yuqori qon bosimidan aziyat chekib kelgan. Ayniqsa, oxirgi yillar kuchli bosh og‘rig‘i, hushdan ketish, qo‘l-oyoqlarda holsizlik, nutq chalkashishi, ko‘rish qobiliyatining sustlashishi kabi asoratlar bemorni ancha holdan toydirdirgan. Shu yil o‘tkazilgan tomografiya tekshiruvlaridan so‘ng unda ateroskleroz kasalligi aniqlanib, bosh miya qon tomirlari to‘silib qolgani ma’lum bo‘lgan.
Yana bir bemorning tibbiy tekshiruvlardan keyin uning uyqu arteriyalarini ateroskelerozdan tozalash kerakligi aniqlangan.
Respublika shoshilinch tibbiy yordam ilmiy markazi Farg‘ona filiali kardiojarrohi Hondamir Mamadaliyevning aytishicha, uyqu arteriyasini ateroskelerozdan tozalash — anchagina murakkab muolaja. Buning uchun bemorning bo‘yin qismi jarrohlik yo‘li bilan ochilib, bosh miyaga ketgan arterial qon tomirlari xolesterindan tozalanadi. Bunday murakkab operatsiya Farg‘onada ilk bor o‘tkazildi.
Operatsiya muvaffaqiyatli o‘tdi.
Yangiliklar lentasi
0