Jamiyat

Oʻzbekistonlik qizlar nano yoʻldoshni stratosferaga uchirishdi

© YUNISEFUzbekskiye devushki zapustili svoy nanosputnik v stratosferu
Uzbekskiye devushki zapustili svoy nanosputnik v stratosferu - Sputnik Oʻzbekiston, 1920, 10.05.2022
Obuna boʻlish
Yandex newsTelegram
Navoyida 20 dan ortiq qizlar stratosferaga oʻzlari yasagan ultra zamonaviy nano yoʻldoshni uchirishdi.
TOSHKENT, 10 may — Sputnik. Oʻzbekistonning turli hududlarida yashovchi 20 dan ortiq qizlar stratosferaga oʻzlari yasagan ultra zamonaviy nano yoʻldoshni uchirdilar. Bu haqda UNICEF xabar berdi.
Navoiy nano yoʻldoshni uchirish maydoni etib tanlandi. Bunga viloyatning mos landshafti, undagi koʻplab innovatsion va texnologik loyihalar amalga oshirilayotgani sabab boʻldi.
Aytilishicha, uchirish joyi ustida samolyotlar parvozi uchun osmonni "yopish" talab etiladi. Shu maqsadda jarayonni aeronavigatsiya xizmatlari mutaxassislari nazorat qilib bordi.
Nanoyoʻldosh stratosferada taxminan 2 soat boʻldi va 11,6 km balandlikka koʻtarildi.
Jarayonda ishtirok etgan qizlar UniSat taʼlim (Uni-UNICEF, Sat - sunʼiy yoʻldosh) dasturi ishtirokchilari hisoblanadi.
Bundan avval 15-26 yoshdagi 188 nafar oʻzbekistonlik qiz kodlash, muhandislik va maʼlumotlarni tahlil qilish boʻyicha 4 oylik onlayn kursda oʻqitildi.
Ular orasidan 20 nafar qiz eng yaxshi akademik natijalarga erishdi va Almati shahrida Qirgʻiziston va Qozogʻistondagi tengdoshlari bilan 10 kunlik amaliy seminarda qatnashdi. U yerda nanoyoʻldoshni yigʻish, uchirish va olingan maʼlumotlarni tahlil qilish oʻrgatildi.
Yangiliklar lentasi
0