Jamiyat

Rossiyada Tashqi mehnat migratsiyasi agentligining 10 ta vakolatxonasi ochiladi

© Sputnik / Mixail KlimentyevFlagi Rossii i Uzbekistana
Flagi Rossii i Uzbekistana - Sputnik Oʻzbekiston, 1920, 10.05.2022
Obuna boʻlish
Yandex newsTelegram
Rossiyaning yana oʻnta hududida Oʻzbekiston Tashqi mehnat migratsiyasi agentligining vakolatxonalari ochiladi.
TOSHKENT, 10 may — Sputnik. 2022 yil 1 iyundan boshlab Rossiyaning yana oʻnta hududida Oʻzbekiston Tashqi mehnat migratsiyasi agentligining vakolatxonalari ochiladi va ularning umumiy soni 16 tani tashkil etadi.
Bu haqda agentlik matbuot xizmatiga tayanib, “RIA Novosti” xabar berdi.
Tashqi mehnat migratsiyasi agentligining Amur, Volgograd, Voronej, Irkutsk, Nijniy Novgorod, Tula viloyatlari, Krasnodar, Krasnoyarsk, Perm viloyatlari, Xanti-Mansiysk avtonom okrugida yangi boʻlimlari ochiladi.
Agentlik matbuot xizmati xabariga koʻra, 10 may kuni vakolatxonalar rahbarlari ish boshlash uchun Rossiya shaharlariga joʻnab ketgan. Ular avval Oʻzbekiston prezidenti huzuridagi Davlat boshqaruvi akademiyasida tahsil olgan.
Ilgari Moskva, Yekaterinburg, Novosibirsk, Sankt-Peterburg, Samara, Ufa shaharlarida boʻlim idoralari faoliyat koʻrsatgan.
Oʻzbekiston Bandlik va mehnat munosabatlari vazirining birinchi oʻrinbosari Erkin Muxitdinovning taʼkidlashicha, mazkur vakolatxonalar qoshida migrantlar huquqlarini qoʻllab-quvvatlash markazlari ham tashkil etilmoqda. Ularning vazifalari orasida vatandoshlar va ish beruvchilar oʻrtasidagi mehnat nizolarini koʻrib chiqish ham bor.
Umuman olganda, 2022 yil 1 yanvar holatiga koʻra, Rossiyada 1 milliondan ortiq Oʻzbekiston fuqarosi mehnat qilmoqda, bu xorijda mehnat qilayotgan respublika rezidentlarining 67,3 foizini tashkil etadi.
2017 yil 5 aprelda Oʻzbekiston fuqarolarini Rossiya hududida vaqtinchalik mehnatga uyushgan holda jalb qilish va jalb etish toʻgʻrisidagi shartnoma imzolangan.
Yangiliklar lentasi
0