Siyosat

Toshkentda SHHTning Xalq diplomatiyasi forumi boʻlib oʻtadi

© SputnikFlag SHOS
Flag SHOS - Sputnik Oʻzbekiston, 1920, 10.05.2022
Obuna boʻlish
Yandex newsTelegram
Toshkentda “Xalq diplomatiyasi – taraqqiyot yoʻlida oʻzaro hamjihatlik” shiori ostida Shanxay hamkorlik tashkilotiga aʼzo davlatlarning Xalq diplomatiyasi forumi boʻlib oʻtadi.
TOSHKENT, 10 may — Sputnik. 2022 yil 11-12 may kunlari Toshkentda “Xalq diplomatiyasi – taraqqiyot yoʻlida oʻzaro hamjihatlik” shiori ostida Shanxay hamkorlik tashkilotiga aʼzo davlatlarning Xalq diplomatiyasi forumi boʻlib oʻtadi.
Tadbir Oʻzbekistonning SHHTga raisligi tashabbusida oʻtkaziladi. Forumda SHHTga aʼzo davlatlar parlamentlari, xalqaro tuzilmalar, nodavlat notijorat tashkilotlari, shuningdek, ilmiy-tahlil markazlari vakillaridan iborat 120 dan ortiq ishtirokchi qatnashishi kutilmoqda.
Forum avvalida ishtirokchilarga tabrik nutqlari bilan Oʻzbekiston Respublikasi Senati Raisi Tanzila Narbayeva, Butunxitoy xalq vakillari kengashi Doimiy qoʻmitasi raisi oʻrinbosari, SHHTning yaxshi qoʻshnichilik, doʻstlik va hamkorlik boʻyicha Xitoy qoʻmitasi raisi Shen Yuyeyuye va Oʻzbekiston Respublikasi Tashqi ishlar vaziri vazifasini boshqaruvchi Vladimir Norov soʻzga chiqadi.
Ikki yoʻnalishda boʻlib oʻtadigan yalpi majlisda – “Xalqaro hamkorlikda xalq diplomatiyasining oʻrni” va “Xalq diplomatiyasi – zamonaviy davlatlararo muloqotning muhim elementi: SHHTga aʼzo davlatlarning tajribasi” mavzularida ishtirokchilar “SHHT oilasi” mamlakatlari oʻrtasidagi koʻp qirrali aloqalarni mustahkamlash maqsadida xalq diplomatiyasi vositalaridan samarali foydalanish yoʻllarini muhokama qiladilar.
Forum yakunlari boʻyicha SHHT xalq diplomatiyasining Toshkent kommyunikesini qabul qilish rejalashtirilgan.
Shanxay hamkorlik tashkiloti - mintaqaviy xalqaro tashkilot boʻlib, uning tarkibiga Rossiya, Xitoy, Qozogʻiston, Qirgʻiziston, Tojikiston va Oʻzbekiston kiradi.
2001 yilda olti mamlakat rahbarlarii Shanxay xamkorlik tashkilotini tuzish haqida Deklaratsiya imzolashdi. Tashkilotning maqsadi - Markaziy Osiyodagi vaziyatni barqarorlashtirish, davlatlar oʻrtasidagi doʻstlik va qoʻshnichilik aloqalarini mustahkamlash, shuningdek siyosiy, iqtisodiy, ilmiy, gumanitar va boshqa sohalarda hamkorlikni rivojlantirish, deb belgilandi.
Yangiliklar lentasi
0