Jamiyat

Mirziyoyev suv toshqinlaridan himoyani kuchaytirishni topshirdi

© Press-slujba prezidenta UzbekistanaPrezident Shavkat Mirziyoyev
Prezident Shavkat Mirziyoyev - Sputnik Oʻzbekiston, 1920, 11.05.2022
Obuna boʻlish
Yandex newsTelegram
Mart-may oylarida kuzatilgan yirik sel oqibatida 9 kishi halok boʻlgan.
TOSHKENT, 11 may — Sputnik. Prezident Shavkat Mirziyoyev huzuridagi yigʻilishda favqulodda vaziyatlarning oldini olish masalalari muhokama qilindi. Bu haqda davlat rahbari matbuot kotibi Sherzod Asadov maʼlum qildi.
Taʼkidlanishicha, mart-may oylarida kuchli yogʻingarchilik oqibatida Buxoro, Jizzax, Namangan, Samarqand, Surxondaryo, Sirdaryo va Toshkent viloyatlarida 15 ga yaqin yirik sel va koʻchkilar sodir boʻlgan. Oqibatda 9 nafar inson halok boʻlgan. 245 ta xonadon, 19 ta koʻprik zarar koʻrdi, 450 dan ortiq bosh chorva mollari nobud boʻlgan.
Bunga sel va koʻchki xavfi yuqori hududlarda yillar davomida betartib pala-partish sugʻorilgani ham sabab boʻlmoqda.
Shu munosabat bilan davlat rahbari mutasaddilarga togʻ daryolari va soylari, sel yoʻllari joylashgan hududlarda tunu-kun ishlaydigan shtablar tashkil etish va qutqaruv otryadlarini koʻpaytirish haqida topshiriq berdi.
Daryo qirgʻoqlari, suv omborlari, selga qarshi inshootlarning favqulodda vaziyatlarga shaylik holati oʻrganilib, ularni mustahkamlash zarur.
Qolaversa, xavfli hududlarda yashayotgan xonadonlarni xavfsiz hududlarga doimiy koʻchirish choralarini koʻrish zarur.

Mavzuga oid:

Surxondaryoda sel oqizib ketgan ikki kishining jasadi topildi
Jizzaxdagi selda 4 kishi qurbon boʻldi
Jizzaxda sel oqizib ketgan 20 yoshli fuqaro qutqarildi
Yangiliklar lentasi
0