Iqtisod

Nurafshonda 40 mingta komplekt quyosh batareyalari ishlab chiqariladi

© Sputnik / Kirill Braga / Fotobankka oʻtishSolnechnaya elektrostantsiya v Volgograde
Solnechnaya elektrostantsiya v Volgograde - Sputnik Oʻzbekiston, 1920, 11.05.2022
Obuna boʻlish
Yandex newsTelegram
Yil soʻngiga qadar Nurafshonda 34 milliondan ortiq sarmoyalar hisobiga yiliga 40 ming komplekt quyosh batareyalarini ishlab chiqarish yoʻlga qoʻyiladi.
TOSHKENT, 11 may — Sputnik. Toshkent viloyati Nurafshon shahrida 34 milliondan ortiq sarmoyalar hisobiga yiliga 40 mingta komplekt quyosh batareyalarini ishlab chiqarish yoʻlga qoʻyiladi. Bu haqda viloyat hokimligi matbuot xizmati xabar berdi.
Shu yilning oʻzida quyosh batareyalarini ishlab chiqarish "Renerca" MCHJ XK ("FREE VOLT") tomonidan yoʻlga qoʻyiladi.
Oʻzbekistonning 2022 — 2026 yillarga moʻljallangan investitsiya dasturiga koʻra, mazkur yoʻnalishda viloyatda 274 million dollarlik qoʻshimcha 38 ta loyihani ishga tushirish rejalashtirilgan.
“Yil yakuniga qadar, yana 15 ta loyiha hayotga tatbiq qilinadi. Natijasda 857 ta yangi ish oʻrni tashkil etish kutilmoqda”, - deyiladi xabarda.
Barcha loyihalar ishga tushganidan keyin 5 875 ta yangi ish oʻrni yaratilishi kutilmoqda.
Yillik ishlab chiqarish hajmi 513 million dollar, import oʻrnini bosuvchi mahsulotlar 217 million dollarga oshadi. Bunda viloyat iqtisodiyotiga qoʻshimcha 264,6 millard soʻm mablagʻ qoʻshiladi.
Yaqin 4 yilda muqobil energiya ishlab chiqarish 40 barvar oshadi
Maʼlumot uchun, viloyatda hozirgi kunda 75 ta elektrotexnika vositalarini ishlab chiqaruvchi korxona mavjud. Ularning yillik ishlab chiqarish quvvati 183 million dollarga teng.
Yangiliklar lentasi
0