“Moviy gumbazlar” xiyoboni qahva va choyxo‘rlarni birlashtiradi

© Sputnik / Ruslan Krivobok / Mediabankka o‘tishVIII Vistavka-yarmarka "Vsemirniy festival chaya i kofe"
VIII Vistavka-yarmarka Vsemirniy festival chaya i kofe - Sputnik O‘zbekiston, 1920, 12.05.2022
Obuna bo‘lish
Toshkentda birinchi marta "Qahva va choy" festivali bo‘lib o‘tadi. Festival dasturidan qator tadbirlar o‘rin olgan.
TOShKENT, 12-may — Sputnik. 13-15-may kunlari poytaxtdagi “Moviy gumbazlar” xiyobonida birinchi “Qahva va choy-2022” festivali — Tashkent Coffee & Tea Festival 2022 bo‘lib o‘tadi. Bu haqda Turizm va madaniy meros vazirligi matbuot xizmati xabar bermoqda.
Festival mamlakatda kofe va choy sanoatini rivojlantirish uchun shart-sharoit yaratish, shuningdek, choy ichish milliy an’analarini qayta tiklashga ko‘maklashish maqsadida tashkil etilmoqda.
Festival ishtirokchilari nimalar kutmoqda?
o‘ziga xos ichimliklar va noyob choy va kofe turlarini tatib ko‘rish;
sohadagi eng so‘nggi yangiliklarni o‘rganish;
yangi hamkorlar va yetkazib beruvchilarni topish;
franchayzing sotib olish.
Festival doirasida barista bo‘yicha Uzbek Coffee Cup chempionati, sut ko‘pikli rasm chizish san’ati bo‘yicha tanlov, barmenlar o‘rtasida miksologiya chempionati bo‘lib o‘tadi.
Shuningdek, turli maxorat darslari, seminarlar va boshqa tadbirlarda ishtirok etish, kofe va choylardan tatib ko‘rish ham mumkin bo‘ladi.
Festivalda o‘zini barista sifatida sinab ko‘rish, latte-art ko‘nikmalarini egallashi va professional chashka degustatsiyasida qahva ta’mining nozik soyalarini farqlashni o‘rganishni xohlovchilar uchun ham qulayliklar yaratiladi.
Festival dasturi turli tadbirlarga boy. Unda lotereyalar va turli xildagi ko‘ngilochar o‘yinlar, hunarmandlar yarmarkalari, fud-kortlar va o‘yin maydonchalari ham tashkil etiladi. DJ va stend-ap chiqishlari ham bo‘lib o‘tadi.
Coffee&Tea LAB zonasida professional baristalar, choy ustalari va ishbilarmonlarning seminarlari va ma’ruzalarini o‘tkazish rejalashtirilgan.
Yangiliklar lentasi
0