Iqtisod

Oʻzbekistonga apelsin importi oshmoqda

© Pixabay/pixel2013apelsin
apelsin - Sputnik Oʻzbekiston, 1920, 12.05.2022
Obuna boʻlish
Yandex newsTelegram
Birinchi chorakda Oʻzbekistonga yanvar-mart oylarida xorijdan qiymati 2,1 million dollarga teng boʻlgan 3,3 ming tonna apelsin import qilingan.
TOSHKENT, 12 may — Sputnik. Ushbu yilning dastlabki uch oyida Oʻzbekiston 3,3 ming tonna apelsin import qilingan. Bu oʻtgan yilning mos davriga nisbatan 1,4 ming tonna koʻp. Bu haqda Davlat statistika qoʻmitasi xabar qildi.
Import qilinayotgan apelsinning asosiy qismi Erondan sotib olingan.
Eron- 1,4 ming tonna.
Turkiya — 1,1 ming tonna;
Misr — 684,4 tonna;
Qozogʻiston — 82 tonna;
JAR — 56 tonna;
Rossiya — 7,6 tonna.
Maʼlumot uchun, 2020 yilda dunyo boʻyicha apelsinning oʻrtacha import narxi bir tonna uchun 848 dollarni tashkil etgan. Bu oʻtgan yilga nisbatan 18 foizga koʻp. Asosiy import qiluvchi mamlakatlar oʻrtasida oʻrtacha narxlarda sezilarli farq bor.
Global ishlab chiqarishning kutilayotgan oʻsishiga qaramay, bu yil apelsin narxida oʻsish kutilmoqda. Jahon banki maʼlumotlariga koʻra, apelsinning oʻrtacha yillik narxi yiliga 3 foizga oshadi va 2022 yilda bir kg uchun 0,67 dollarni tashkil qiladi.
Apelsin - tsitrus oilasiga mansub mevali daraxt boʻlib u asosan tropik va subtropik davlatlarda oʻsadi. Dastlab Xitoyda madaniylashtirilgan ushbu meva keyinchalik Yevropa va boshqa hududlarda tarqalgan. Apelsin vitaminlar va pektinga boy meva boʻlgani uchun insonning yurak, oshqozon-ichak, jigar va qon tomirlari uchun foydali hisoblanadi. Apelsin sharbati dunyoda eng ommaviy sanoat miqyosida ishlab chiqariladigan meva sharbati hisoblanadi. 1974 yildan 2004 yilga qadar dunyoda apelsin yetishtirish hajmi ikki baravar oshgan. Eng koʻp apelsin yetishtiruvchi davlatlar bu - Braziliya - 16,7 (mlrd.t), Xitoy - 9,1, Hindiston - 8,3, AQSH - 4,8, Meksika - 4,7, Ispaniya - 3,6, Misr - 3,2, Indoneziya - 2,5, Turkiya - 1,9, Eron -1,8, JAR - 1,7, Pokiston - 1,5, Italiya - 1,5.
Yangiliklar lentasi
0