Rossiya

Putin: rubl dunyo valyutalari orasida eng yaxshi surʼatni koʻrsatmoqda

© Sputnik / Mixail Mettsel Prezident RF Vladimir Putin
 Prezident RF Vladimir Putin - Sputnik Oʻzbekiston, 1920, 12.05.2022
Obuna boʻlish
Yandex newsTelegram
Rossiya prezidenti rubl 2022 yilda dunyo valyutalari orasida eng yaxshi koʻrsatkichni namoyon etayotganini maʼlum qildi.
TOSHKENT, 12 may — Sputnik. Joriy yilda rubl kursi dunyo valyutalari orasida eng yaxshi surʼatni koʻrsatmoqda. Bu haqda Rossiya prezidenti Vladimir Putin maʼlum qildi.

“Milliy valyuta – rubl kursi ham mustahkamlanmoqda. Joriy yilda u, ehtimol, dunyo valyutalari orasida eng yaxshi surʼatni namoyon etmoqda”, - dedi Putin iqtisodiy masalalarga bagʻishlangan yigʻilishda.

U Rossiya Gʻarb mamlakatlari sanktsiyalari keltirib chiqargan tashqi chaqiriqlarga dosh berayotganini qoʻshimcha qildi.
Rossiya rahbarining soʻzlariga koʻra, Rossiyadagi haftalik inflyatsiya sekinlashgan.
“Asta-sekin inflyatsiya sekinlashmoqda, oʻtgan oy davomida uning surʼatlari mart darajasiga qaraganda bir necha baravarga qisqardi”, - dedi Putin.
Avvalroq “Bloomberg ” agentligi rubl dunyoning eng yaxshi koʻrsatkichlarga ega valyutasiga aylanganini maʼlum qilgan edi. Taʼkidlanishicha, rublning daromadlari hukumat tomonidan valyutani himoya qilish uchun koʻrilgan bir qator chora-tadbirlar natijasida yuzaga keldi. Rossiya kapital nazoratini oʻrnatishdan tashqari eksportchilarni valyutani sotishga majbur qilib, tabiiy gaz uchun rublda toʻlanishini talab qilmoqda.
12 may kungi Moskva birjasi maʼlumotlariga koʻra, dollar ilk bor 2020 yil fevraliidan buyon 65 rublga tushgan. Yevro esa ilk bor 2017 yil iyunidan buyon 67 rublni tashkil qilgan.
Yangiliklar lentasi
0