Hodisalar

Oʻzbekiston avtobusi Qozogʻistonda YTHga uchradi

© KazinformDTP avtobusa v Kazaxstane
DTP avtobusa v Kazaxstane - Sputnik Oʻzbekiston, 1920, 13.05.2022
Obuna boʻlish
Yandex newsTelegram
Jambil viloyatida sodir boʻlgan YTHda ikki kishi qurbon boʻldi, 33 kishi jarohat oldi, ulardan 3 nafari ogʻir ahvolda.
TOSHKENT, 13 may - Sputnik. Qozogʻistonning Jambil viloyatida Oʻzbekiston davlat raqamiga ega boʻlgan avtobus YTHga uchradi, deb xabar qilmoqda Kazinform.
Jambil viloyati Favqulodda vaziyatlar departamenti matbuot xizmati xabariga koʻra, YTH "Olmaota-Toshkent" avtomobil yoʻlining 571-kilometrida, Jambil viloyati, Jualin tumani, Bauyrjan Momishuli qishlogʻidan olti kilometr uzoqlikda 12 may kuni soat 15:50 atrofida sodir boʻlgan.
Maʼlum boʻlishicha avtobusda Oʻzbekiston yoʻqarolari boʻlgan. YTH oqibatida haydovchining yordamchisi va bir nafar yoʻlovchi qurbon boʻlgan, 33 kishi kasalxonaga yotqizilgani, ulardan uch nafari reanimatsiyada, - deyiladi xabarda.
Dastlabki maʼlumotlarga koʻra, ob-havo sharoitining yomonlashishi (yomgʻir va doʻl, tahr.) tufayli avtobus haydovchisi boshqaruvini yoʻqotib, shu yoʻnalishda harakatlanayotgan traktor tirkamasi bilan toʻqnashib ketgan.
Mazkur holat yuzasidan Qozogʻiston Respublikasi Jinoyat kodeksining 345-moddasi 4-qismi (Transport vositasini boshqarayotgan shaxs tomonidan ikki yoki undan ortiq shaxsning oʻlimiga sabab boʻlgan yoʻl harakati yoki transport vositalaridan foydalanish qoidalarini buzish) bilan tergovga qadar tekshiruv qoʻzgʻatilgan.
Jambil viloyati trassasida yuz bergan YTHda jabrlanganlar uchun ishonch telefoni ochildi: 8 (7262) 51-35-75, 51-41-67.
Oʻzbekistonning Olma-otadagi Bosh konsulligi xabariga koʻra, ayni damda konsullik huzurida jabrlanganlarga yordam koʻrsatishni tashkil etish boʻyicha shtab tuzilgan. Halok boʻlganlarning jasadlarini vataniga olib borishning tashkiliy masalalari hal etilmoqda. Oʻzbekiston Respublikasining Olmaota shahridagi Bosh konsulligiga +77779504422 yoki +77779504433 raqamlari orqali murojaat qilish mumkin.
© KazinformDTP avtobusa v Kazaxstane
DTP avtobusa v Kazaxstane - Sputnik Oʻzbekiston, 1920, 13.05.2022
DTP avtobusa v Kazaxstane
Yangiliklar lentasi
0