Jamiyat

Oʻzbekiston Qahramoni Lola Murotova qattiq betob boʻlib qoldi

© Sputnik / Stas EtveshSkoraya pomoщ, arxivnoye foto
Skoraya pomoщ, arxivnoye foto  - Sputnik Oʻzbekiston, 1920, 13.05.2022
Obuna boʻlish
Yandex newsTelegram
Prezident Shavkat Mirziyoyev Lola Murotovaga tezda shifo topishni tiladi.
TOSHKENT, 13 may — Sputnik. Oʻzbekiston Qahramoni, Oltiariq tumanidagi “Nurli obod” fermer xoʻjaligi rahbari Lola Murodova qattiq betob boʻlib qoldi.
“Prezident Shavkat Mirziyoyevning topshirigʻiga koʻra, Bosh vazir oʻrinbosari Shuhrat Gʻaniyev, Sogʻliqni saqlash vaziri Behzod Musayev, prezident maslahatchisi oʻrinbosari Abdurashid Juraboyev va men viloyat shoshilinch tibbiy yordam markazida davolanayotgan Lola opa holidan xabar oldik, davlatimiz rahbarining salomi va tezda shifo topish tilagini yetkazdik”, deydi prezident matbuot kotibi Sherzod Asadov.
Asadovga koʻra, ayni paytda respublika shoshilinch tibbiy yordam ilmiy markazi bosh direktori D.Toʻlaganov, respublika ixtisoslashtirilgan tibbiyot markazlari rahbarlari X.Fozilov, F.Toʻrayev, M. Irismetov, tibbiyot fanlari doktori O.Ahmedov va boshqa qator tibbiyot muassasalari direktorlaridan iborat konsilium boshchiligida tajribali shifokorlar tomonidan kerakli muolajalar olib borilmoqda.
Eslatib oʻtamiz, Lola Murotova 2019 yilda “Oʻzbekiston Qahramoni” unvoni bilan taqdirlangan. U OʻzLiDeP Siyosiy kengashining 18 yanvar kuni boʻlib oʻtgan yigʻilishida soʻzga chiqib, Prezident ayollarga hokimlik lavozimini ishonib topshirsa, ular bu vazifani doʻndirib bajarishini aytgan.
Yangiliklar lentasi
0