Jamiyat

Oʻzbekistonda rus tilini oʻrganish uchun mobil ilova yaratildi

© Press-slujba Rossotrudnichestva v TashkenteV Uzbekistane sozdali mobilnoye prilojeniye dlya izucheniya russkogo yazыka.
V Uzbekistane sozdali mobilnoye prilojeniye dlya izucheniya russkogo yazыka. - Sputnik Oʻzbekiston, 1920, 13.05.2022
Obuna boʻlish
Yandex newsTelegram
Oʻzbekistonda rus tilini oʻrganish uchun mobil ilova yaratildi.
TOSHKENT, 13 may — Sputnik. Oʻzbekistonda rus tilini oʻrganish uchun birinchi “ IZI russkiy yazыk” mobil ilovasi yaratildi. Uning taqdimoti payshanba kuni Toshkentdagi Rus uyida boʻlib oʻtdi.
“Rossotrudnichestva”vakolatxonasi maʼlumotlariga koʻra, bu rus tilini bilmaydigan Oʻzbekiston fuqarolariga oʻz smartfoni yordamida rus tilini oʻrganishga yordam beradi. Ilova tez orada App Store va Google Play’da paydo boʻladi.
“Ishlab chiquvchilar zamonaviy raqamli texnologiyalar yordamida taʼlimning anʼanaviy modelini shu qadar oʻzgartirishga muvaffaq boʻlishdiki, hatto yodlash ham zavqli mashgʻulotga aylanadi”, deyiladi xabarda.
Oʻquv tizimi grammatikani oʻrgatish, yangi soʻzlarni assotsiatsiyalar [tasvirlar] orqali yodlash, bilimlarni mustahkamlash uchun simulyator, tilni tinglash uchun dialog-amaliyot, fonetika bilan ishlash va oʻqituvchi bilan onlayn suhbatni oʻz ichiga oladi.
Ilova Oʻzbekiston poytaxtidagi “Nota terra” xorijiy til sifatida rus tili oʻqituvchilari malaka oshirish maktabi ishtirokchilari tomonidan allaqachon sinovdan oʻtkazilgan.
Soʻnggi yillarda Oʻzbekistonda taʼlim muassasalarida rus tilini targʻib qilish va oʻrganish boʻyicha qator loyihalar amalga oshirildi. Avvalroq, Respublika taʼlim markazi matbuot kotibi Mohira Nurullayeva A.I.Gersen nomidagi Rossiya davlat pedagogika universiteti Oʻzbekiston maktablarining 2-11 milliy sinflari uchun rus tili darsliklarini tayyorlagani haqida maʼlum qilgandi.
2020 yil oktyabr oyida Rossiya Federatsiyasi Taʼlim vazirligi, Oʻzbekiston Xalq taʼlimi vazirligi va rossiyalik ishbilarmon Alisher Usmonovning “Sanʼat, fan, sport” xayriya fondi bilan hamkorlikda Oʻzbekistonda rus tilini bilish darajasini oshirish maqsadida “Klass!” loyihasini amalga oshirish toʻgʻrisida bitim imzolangan. Loyiha 10 yilga moʻljallangan.
Dasturni amalga oshirishda Rossiyaning Gertsen nomidagi Rus tili instituti va Oʻzbekiston oʻqituvchilarni qayta tayyorlash va malaka oshirish Instituti ishtirok etadi.
Loyiha doirasida 2021 yil sentyabr oyidan buyon Oʻzbekistondagi 150 nafar oʻqituvchi va bir necha oʻnlab metodistlar taʼlim muassasalariga yuborildi.
Yangiliklar lentasi
0