Jamiyat

Oʻzbekiston olimlari pomidorning yangi navini ixtiro qilishdi

© Ministerstvo selskogo xozyaystvaNovыy sort pomidorov "Universal"
Novыy sort pomidorov Universal - Sputnik Oʻzbekiston, 1920, 14.05.2022
Obuna boʻlish
Yandex newsTelegram
Oʻzbekistonda pomidorning yangi “Universal” navi ixtiro qilindi.
TOSHKENT, 14 may — Sputnik. Oʻzbekistonda pomidorning yangi “Universal” navi ixtiro qilindi, deb xabar qildi Qishloq xoʻjaligi vazirligi matbuot xizmati.
Sabzavot, poliz ekinlari va kartoshkachilik ilmiy-tadqiqot institutining bir qator seleksioner olimlari Yekaterina Lyan, Rustam Nizomov, Shermuhammad Aminov va Jamil Toʻrayevlarning 10 yillik samarali mehnati natijasida ochiq maydon va issiqxonada yetishtirishga mos pomidor navi ixtiro qilindi.
Navga “Universal” nomi berildi.
Yangi nav oʻrtapishar boʻlib, oʻsuv davri 120-122 kunni tashkil etadi. Asosiy poyasining uzunligi issiqxonada 2,0-2,5 metr, ochiq maydonda 1,5-1,8 metrgacha yetadi, shoxlanishi va barglanishi esa oʻrtacha. Bargi oddiy, toʻq yashil, oʻrtacha burmali. Birinchi toʻpguli 8-9 bugʻinlarda joylashgan. Mevasi yassi yumaloqsimon, yuzasi silliq, qizil. Pomidor vazni 100-120 g, meva asosi kichik chuqurchali. Urugʻxonasi 4-5 ta. Degustatsion bahosi 4,9 balldan iborat.
Tarkibida quruq modda miqdori 4,8%, umumiy qand 4,2%, askorbin kislotasi 24,2%. Hosildorligi: issiqxonada 15-18 kg/m2; ochiq maydonda 38-42 t/ga ni tashkil etdi. Bu koʻrsatkich boshqa navlardan 15-20% yuqori degani.
Yangiliklar lentasi
0