Dunyoda

Finlyandiya rasman NATOga qoʻshilishga qaror qildi

© Depositphotos / TatulajuFlag Finlyandii na fone neba
Flag Finlyandii na fone neba  - Sputnik Oʻzbekiston, 1920, 15.05.2022
Obuna boʻlish
Yandex newsTelegram
Taʼkidlanishicha, Finlyandiya parlament bilan maslahatlashuvlardan soʻng NATOga aʼzo boʻlish uchun ariza beradi
TOSHKENT, 15 may — Sputnik. Finlyandiya Shimoliy Atlantika Shartnomasi Tashkilotiga (NATO) qoʻshilish qarorini rasman eʼlon qildi. Bu haqda hukumat qarorida aytilgan.
“Finlyandiya parlament bilan maslahatlashuvlardan soʻng Shimoliy Atlantika Shartnomasi Tashkilotiga (NATO) aʼzo boʻlish uchun ariza beradi”, – deyiladi bayonotda.
Qayd etilishicha, ertaga, 16 may kuni, mamlakat rasmiylarining yigʻilishi boʻlib oʻtadi va ovoz berish, ehtimol, seshanba kuni oʻtkaziladi. Finlyandiya tashqi ishlar vaziri Pekka Xaavisto avvalroq ariza 17 may kuni NATOning Bryusseldagi qarorgohiga yuborilishini taʼkidlagan edi.
Kuni kecha Rossiya va Finlyandiya prezidenti Vladimir Putin va Sauli Niinistyoning telefon orqali suhbati boʻlib oʻtgan edi. Kreml xabariga koʻra, Putin finlyandiyalik hamkasbiga betaraflik siyosatidan voz kechish xato boʻlishi mumkinligini aytgan, chunki Niinistyoning mamlakati uchun xavfsizligi uchun tahdid mavjud emas.
Kreml Finlyandiyaning NATOga kirishini Rossiya uchun tahdid deb atadi
Yangiliklar lentasi
0