Sport

Shomurodovning goli “Roma”ni alamli magʻlubiyatdan qutqarib qoldi – video

© AP Photo / Gregorio BorgiaFutbolist Eldor Shomurodov
Futbolist Eldor Shomurodov - Sputnik Oʻzbekiston, 1920, 15.05.2022
Obuna boʻlish
Yandex newsTelegram
“Roma” hujumchisi Eldor Shomurodov zaxiradan maydonga tushib, raqib darvozasini ishgʻol qildi.
TOSHKENT, 15 may — Sputnik. Italiya chempionatining 37-turida “Roma” oʻz maydonida “Venetsiya”ni qabul qildi.
“Roma” hujumchisi oʻzbekistonlik futbolchi Eldor Shomurodov zaxiradan maydonga tushib, 76-daqiqada raqib darvozasini ishgʻol qilishga muvaffaq boʻldi. Shomurodovning bu goli uning jamoasiga durang natijani (1:1) taqdim etdi.
Qayd etish joizki, “Venetsiya” 32-daqiqadan boshlab bir kishi kam boʻlib qolgan edi va bu jamoa atigi 26 ochko bilan A Seriyaning eng quyi pogʻonasida joylashgan.
Qolaversa, Eldor Shomurodovning rimliklar safidagi 10 oʻyinlik golsiz seriyasi oʻz nihoyasiga yetdi. U oxirgi marta 19 yanvar kuni Italiya kubogi doirasida “Lechche” (3:1) qarshi oʻyinda toʻp kiritgan edi. Shuningdek, hujumchi oʻtgan yilning dekabridan beri ilk bor A Seriyada gol urdi. 2021 yil 22 dekabrda u “Sampdoriya” (1:1) darvozasini ishgʻol qilgan edi.
Yangiliklar lentasi
0