Rossiya

Finlyandiya va Shvetsiyaning NATOga qoʻshilishi xato boʻladi – Ryabkov

© Sputnik / Vladimir TrefilovZamestitel ministra inostrannыx del Rossiyskoy Federatsii Sergey Ryabkov
Zamestitel ministra inostrannыx del Rossiyskoy Federatsii Sergey Ryabkov  - Sputnik Oʻzbekiston, 1920, 16.05.2022
Obuna boʻlish
Yandex newsTelegram
Rossiya TIV rahbari oʻrinbosari Finlyandiya va Shvetsiyaning NATOga ehtimoliy qoʻshilishishi xususida fikr bildirdi.
TOSHKENT, 16 may — Sputnik. Hech kimning Rossiya Finlyandiya va Shvetsiyaning Shimoliy Atlantika Shartnomasi Tashkilotiga (NATO) qoʻshilishiga shunchaki toqat qilishi borasida xom xayoli boʻlmasligi kerak. Bu haqda Rossiya TIV rahbari oʻrinbosari Sergey Ryabkov maʼlum qildi.

“Bryussel, Vashington va boshqa NATO poytaxtlarida ham biz bunga shunchaki toqat qilishimiz borasida hech qanday xom xayol boʻlmasligi kerak”, - dedi u jurnalistlarga bergan intervyusida.

Ryabkov bu mamlakatlar NATOga qoʻshilgan taqdirda harbiy keskinlik darajasi ortishi, oldindan aytiladigan narsalar kamayishini eslatdi.
“Bu galdagi uzoq muddatli oqibatlarga ega ogʻir xato. Xoʻsh, nima ham qilardik. Bugun tegishli mamlakatlarda siyosiy qarorlarni qabul qilayotganlarning darajasi shunaqa”, - deya qoʻshimcha qildi TIV rahbari oʻrinbosari.
15 may kuni Finlyandiya NATOga qoʻshilishga qaror qilganini rasman eʼlon qildi. Uning ortidan Shvetsiya ham shunday qarorga kelganini maʼlum qildi. Shu bilan birga, Shvetsiya agar uning arizasi maʼqullansa, u oʻz hududida yadro quroli va harbiy bazalarni joylashtirishga qarshi chiqishini bildirgan.
Rossiya NATO ziddiyatni maqsad qilib olganini bir necha marta taʼkidlagan.
Kuni kecha Rossiya va Finlyandiya prezidenti Vladimir Putin va Sauli Niinistyoning telefon orqali suhbati boʻlib oʻtgan edi. Kreml xabariga koʻra, Putin finlyandiyalik hamkasbiga betaraflik siyosatidan voz kechish xato boʻlishi mumkinligini aytgan, chunki Niinistyoning mamlakati uchun xavfsizligi uchun tahdid mavjud emas.
Rossiya prezidenti matbuot kotibi Dmitriy Peskov alyansning kengayishi Yevropaga xavfsizlikni keltirmasligi, NATO agressiv xarakterga ega ekanini maʼlum qilgan.
Yangiliklar lentasi
0