Rossiya

“Moskvich” zavodida kelajakda elektromobillar ishlab chiqariladi - Sobyanin

© Sputnik / V. Knyazev / Fotobankka oʻtishEksperimental avtomobil: 7 oʻrinli universal "Moskvich-2139 Arbat"
Eksperimental avtomobil: 7 oʻrinli universal Moskvich-2139 Arbat - Sputnik Oʻzbekiston, 1920, 16.05.2022
Obuna boʻlish
Yandex newsTelegram
Sergey Sobyanin "Moskvich" zavodida dastlab avtomobillar, keyin elektromobillar ishlab chiqarilishini maʼlum qildi. Asosiy hamkor - Kamaz boʻladi.
TOSHKENT, 16 may - Sputnik. Moskva meri Sergey Sobyanin “Moskvich” brendi ostida avtomobillar ishlab chiqarish qayta tiklanishini maʼlum qildi. Unga koʻra, zavod kelajakda elektromobillar ishlab chiqaradi.
“Chet ellik egasi Moskvadagi “Renault” zavodini yopishga qaror qildi. Bu uning huquqi, lekin biz minglab ishchilarning ishsiz qolishiga yoʻl qoʻya olmaymiz. Shuning uchun men zavodni shahar balansiga olishga va tarixiy Moskvich brendi ostida avtomobillar ishlab chiqarishni qayta tiklashga qaror qildim”, - deb yozadi Sobyanin.
Shahar meriga koʻra, KAMAZ qayta tiklangan Moskva avtomobil zavodi “Moskvich”ning asosiy texnologik hamkoriga aylanadi.
“Birinchi bosqichda ichki yonuv dvigateliga ega klassik avtomobillar, kelgusida esa elektromobillar ishlab chiqarish yoʻlga qoʻyiladi”, deydi u.
Uning taʼkidlashicha, KAMAZ hamda Rossiya Sanoat va savdo vazirligi bilan birgalikda Rossiyada maksimal miqdordagi avtomobil butlovchi qismlarini ishlab chiqarishni mahalliylashtirish ustida ishlar boshlangan.
“Volgograd prospektidagi avtomobil zavodi uzoq va shonli tarixga ega. Deyarli yuz yil oldin u Fordavtomobillarini ishlab chiqarishni boshlagan. Oʻnlab yillar davomida bu yerda afsonaviy mahalliy “Moskvichlar” ishlab chiqarilgan. 1998 yildan beri “Renault” zavodi bilan hamkorlik qiladi va “Logan”, “Dusters” va “Sandero”konveyerdan chiqdi. 2022 yilda biz “Moskvich” tarixida yangi sahifa ochamiz”, deydi Sergey Sobyanin.
Maʼlumot uchun, mart oyi oxirida “Renault” Rossiyadagi faoliyatini toʻxtatganini eʼlon qilgan.
Aytish joizki, Moskvada 2021 yilning dekabr oyida elektobuslar soni 1000dan oshgan edi. Ularning aksariyati "Kamaz" bilan hamkorlikda ishlab chiqilgan.
Moskovskiy elektrobus - Sputnik Oʻzbekiston, 1920, 23.03.2021
Analitika
Muvaffaqiyatli tajriba - Moskvada elektrobuslar soni 600dan oshdi
Yangiliklar lentasi
0