Iqtisod

OKMKda texnogen chiqindilardan oltin va kumush olish yoʻlga qoʻyildi

AGMK - Sputnik Oʻzbekiston, 1920, 16.05.2022
Obuna boʻlish
Yandex newsTelegram
Ishlab chiqarishda qoʻllanilgan yangi texnologiya yiliga 59,2 mln dollar daromad olib keladi.
TOSHKENT, 16 may — Sputnik. Mis eritish zavodining Metallurgiya tsexida konverter toshqollarini maydalash uchastkasi faoliyati yoʻlga qoʻyildi. Endilikda zavodda texnogen chiqindilardan yiliga qoʻshimcha 789 tonna mis katodi, 58 kg oltin va 442 kg kumush ajratib olinadi. Bu haqda OKMK xabar berdi.
Mis katodi, oltin va kumushlar 24 000 tonna texnogen chiqindilarni qayta ishlash natijasida olinadi.
AGMK - Sputnik Oʻzbekiston, 1920, 16.05.2022
AGMK
Aytilishicha, texnogen chiqindilarni qayta ishlash loyihasi uchun ortiqcha mablagʻlar sarf etilmadi.
“Misni boyitish fabrikasini rekonstruktsiya qilish davomida almashtirilgan maydalagich (drobilka) metallolomga topshirilmadi, aksincha unga “ikkinchi hayot baxsh etildi”. Natijada mazkur obʼyektni ishga tushirish uchun 395 ming dollar mablagʻ sarflandi”, deyiladi xabarda.
Mis shteynlarini konverterlash jarayonida hosil boʻladigan texnogen chiqindilar (toshqollar), aylanma materiallarini maydalash hamda klinker (rux ishlab chiqarish jarayonida hosil boʻladigan chiqindi) bilan xomashyo qorishmasi tayyorlanib, Vanyukov pechida toʻgʻridan-toʻgʻri eritiladi.
Xomashyodan mis tayyor mahsulotini ajratib olish koʻrsatkichi 93,87% tashkil etadi. Buning natijasida qoʻshimcha mahsulot olishga erishiladi.
Ishlab chiqarishda qoʻllanilgan yangi texnologiya yiliga 7,04 mlrd soʻm mablagʻlarni tejash imkonini beradi.
Qolaversa,Rux zavodi ham texnogen chiqindilarini qayta ishlash jarayoniga jalb qilindi. Rux zavodining 96 000 tonna texnogen chiqindilarini (klinker) qayta ishlash esa qoʻshimcha 2 028 tonna mis katodi, 121,2 kg oltin va 29,9 tonna kumush olish imkoniyatini yaratadi.
Texnogen chiqindilarni qayta ishlash natijasida yiliga 59,2 mln dollar daromad olinadi.
Qayta ishlash boʻyicha yiliga 26,2 mln dollar miqdorida mablagʻ sarflanib, 32,9 mln dollar iqtisodiy samaradorlikka erishilishi kutilmoqda.
Yangiliklar lentasi
0