Rossiya

Renault guruhining Rossiyadagi aktivlari davlat mulkiga aylanadi

© Sputnik / Ilya Pitalev / Fotobankka oʻtishZavod po proizvodstvu avtomobiley Renault
Zavod po proizvodstvu avtomobiley Renault - Sputnik Oʻzbekiston, 1920, 16.05.2022
Obuna boʻlish
Yandex newsTelegram
Renault kelgusi 6 yil ichida AvtoVAZdagi oʻz ulushini qayta sotib olish huquqini saqlab qoladi.
TOSHKENT, 16 may - Sputnik. Renault guruhining Rossiyadagi aktivlari davlat va Moskva hukumati mulkiga aylanmoqda, deb xabar qildi Sanoat va savdo vazirligi oʻz Telegram-kanalida.

“Imzolangan shartnomalar Renault Russia aktsiyalarini Moskva shahri ixtiyoriga hamda Renaultga tegishli boʻlgan AvtoVAZ aktsiyalarini - Rossiya sanoat va savdo vazirligiga boʻysunuvchi FGUP NAMIga oʻtkazishni nazarda tutadi”, — deyiladi xabarda.

Shunday qilib, aktivlardagi ulushlar quyidagicha taqsimlanadi:
Renault Russia YOAJning 100% aktsiyalari Moskva hukumatiga oʻtadi;
AvtoVAZ avtomobil kontsernining 67,69% aktsiyalari Rossiya Federatsiyasi mulkiga aylanadi (FGUP NAMI);
AvtoVAZning qolgan aktsiyalari "Rostex" ixtiyorida qoladi.
AvtoVAZ Rossiyada Renault avtomobillariga xizmat koʻrsatishni amalga oshiradi, shuningdek, oʻz zavodlarida butun Lada rusumli assortimentini ishlab chiqarishni davom etadi.
Sanoat va savdo vazirligi maʼlum qilishiga koʻra, Renault kelgusi 6 yil ichida AvtoVAZdagi oʻz ulushini qayta sotib olish huquqiga ega.
Frantsuz avtomobil ishlab chiqaruvchisi AvtoVAZga egalik qiluvchi "Rostex" bilan qoʻshma korxonaning deyarli 68% aktsiyalariga egalik qilgan. Renault 23 mart kuni Rossiyada ishlab chiqarishni toʻxtatganini eʼlon qilgan edi.
AvtoVAZ ikki marka - Lada va Renault uchun toʻliq ttsiklli avtomobillar va butlovchi qismlarni ishlab chiqaradi. Zavodlar Tolyatti va Ijevskda joylashgan. Bugungi kunda Lada brendi beshta modellar oilasidan iborat avtomobillar ishlab chiqarmoqda: Vesta, Xray, Largus, Granta va Niva.
Yangiliklar lentasi
0